Popular Bible Verses from Zawxkauq 1

ಹಂಚಿಕೊಳ್ಳಿ

Gaj Minghkoan dij Sen daeuj ndang su zwzrawz, gaenqsu zoq ndaej doakriangz. Yaq su zoq yuq ndaw Yezluqsaxlaengx , daengz mbanj Yaeuhdaq nauq, bae mbanj Saxmaxliqyaq , bae daengz dawj fax nauq, haxdoq daenh gaenqsu ndaejtaen gux hoak gaeng raeuh daj ruxnyinz gux hax gaeng raeuh."

Yezsuz hax: "Zwzrawz, vaenz rawz, mizgaj Dez ndaw fax miz qenhliq dingq, mboq zawh gaenq hoj hawj su ruxndeq.

Zwz Yezsuz naengz daj paenqdix zaemh yuq naeh, dix hoakzaqnaeh saengq paenqdix: "Gaenqsu laekgah ni Yezluqsaxlaengx , taj Dez hoak diauq dix ndaej yinq naeh, diauq gux haeuz daj su hax yaq naeh. Zoq zawh hax Yezhanq aeu naemx hoak diauq zauh soiq naeh, gaj gvaq jij vaenz ux, dij Sen aeu Minghkoan dix saeh su hoak diauq zauh soiq naeh."

Yezsuz jinkaem yaq, dix hoak lai yowngh taeuq hawj dij goanz zawxkauq dix ruxndeq dix haeuz daeuq zaeu. Siqsip vaenz naeh dix hawj dij goanz zawxkauq dix taen, goj haxdoq paenqdix goh dij Sen baenzzaqrawz.

Hax gaemz kauq naeh nauq yaq, gau paenqdix naengz gaj lez Yezsuz naeh, Yezsuz zoah raep mwz ndaw fax, miz kvaix pajfax ux yaz dix, paenqdix zoq lez mboq taen dix.

Gau dix kwnj mwz naeh, paenqdix lez dix daengz ta mboq yaep nauq, hubhaeb miz song goanz, nungh sowj kau rux rungh, in yuq haenz paenqdix. Song goanz naeh daj paenqdix hax: "Dij goanz mbanj Zazliqliq aj, baenzzaqrawz in lez fax mux? Yezsuz goanz ni su mwz, zoah raep mwz ndaw fax naeh, gaenqsu leztaen dix hoakzaqrawz mwz ndaw fax, mwznaj dix goj naengz hoakzaqrawz daeuq dauh daeuj."