Popular Bible Verses from यूहन्ना 12

ಶೇರ್

अगर कोई में चेला बणण चहन्ता त तस में पतोती एण जरूरी असु; त जेठि अउं भुन्ता, तठि में नौखर बि भुन्ते; अगर कोई में सेवा कराल त परमपिता परमेश्वर तसे इज्जत कता।”

जेन्हि अपु जान मोउं केआं बि ज्यादी ट्यारी असी, त से तस गड़ाई छते, त जे में बझई जुए अपु जान रशुणी कते, से अमर जीवन लिए तस सम्हाड़ी रखते।

अउं तुसी जे बोता कि जपल तकर गिहुंए यक रो, जन अन्तर पथि कइ मरतु नउ, तोउं तकर से अकेलु भुन्तु। पर जपल से मरतु त सुआ रो जमते। तीं जपल अउं बि मरता, त सुआ मेह्‍णु जे अमर जीवन मेता।

अउं इस धरती पुठ टगड़ियार बण कइ अओ असा, ताकि जे बि मोउं पुठ विश्वास करियेल, से अन्हारे अन्तर ना बिशेल।

अगर कोई में बोक शुण कइ ना मानता त अउं तस पुठ दोष ना लान्ता, किस कि अउं मेह्‍णु पुठ दोष लाण जे ना, पर मेह्‍णु बचाण जे अओ असा।

तपल मरियम कोई टाई सौ पंझी ग्रामे जटामासी नओएं बोडा कीमति मुश्कदार तेल अण्ह कइ यीशु खुर पुठ ला त अपु झशुड़े बइ तसे खुर धूशुण लगी। त तस तेले मुश्क पूरे भखेरी अन्तर भोई गई।

त तेन्हि छुआरे बुटे डा नी कइ तस अग्रोई जे गे त जइकार भर कइ बोलुण लगे, “होशान्ना, जे प्रभु परमेश्वरे हक जुए एन्ता, तेस इस्राएले राजे जइ करे”

त यीशु तेन्हि जे बोलु, “अब टेम एई गो असा कि परमेश्वर हरालता, अउं जे मनखे कुआ भो कत बोडा असा।