Popular Bible Verses from मत्ती 21

ಶೇರ್

थे पराथना में झिको कीं बिस्वास ऊं मांगो बो थानै मिल ज्यैगो।”

यीसू उतर दियो कै, “मैं थानै साची केऊं कै जे थारै में बिस्वास है अर मन में बेम कोनी राखो तो झिको मैं ईं दरखत सागै करयो है बिंयाई थे जे ईं प्हाड़ नै के दैयो, उठ अर समुंदर में पड़ जा तो बिंया होवैगो।

अर सारा लोग केवा, “प्रभु गी जय जयकार होवै, धन्य है दाऊद गो बेटो झिको प्रभु गै नाम ऊं आवै। प्रभु झिको सुरग में विराजमान है बिंगी जय जयकार होवै।”

बो बानै केण लागग्यो, सासतर इंया केवै, “ओ मेरो पराथना गो घर है। पण थे इनै डाकुआं गो अड्डो बणा राख्यो है।”

यरुसलेम गा लोगों, देखो थारो राजा थारै कनै आण लागरयो है। बो दीन अर एक गधी गै बच्चै पर सवार है।

यीसू केयो, “थे सासतर गो बो बचन कोनी पढयो।” “झिकै पथर नै राज मिस्तिरियां बेकार समझयो बो ई कूंट गो सारा ऊं आच्छो पथर बणग्यो। हिस्यो प्रभु करयो, झिको म्हारी नजरां में आच्छो है।”

ईंखातर मैं थानै केऊं कै परमेसर गो राज थारूं ले लियो जावैगो अर बो बानै दियो जावैगो झिका बिनै टेम पर फळ दैयगा।