Popular Bible Verses from लूका 14

ಶೇರ್

जेबा कोई महा सेटा इहणे आले होर आपणे आमा होर बापू होर लाडी होर शोहरू, भाई बहीण होर आपणे प्राणे संघा बैर नांई करे तेबा सह मेरअ चेलअ नांई होई सकदअ।

होर जोह कोई आपणे क्रुसा नांई चकलअ होर महा पीछे नांई इहलअ, सह, मेरअ चेलअ नांई होई सकदअ।

किबेकि जोह कोई आपणे आपू वै बडअ बणलअ, सह होच्छअ हुण होर जोह आपणे आपू वै होच्छअ मनलअ सह बडअ हुणअ।

एडी तरहा तमा मेजा का जोह कोई आपणा सब कुछ-छाडी दे। तेबा सह मेरअ चेलअ नांई होई सकदअ।

तमामें कूण साहा एडअ कि मीनार बनाऊणा चाहदा होर पहिले वैशी करे खरचा नांई ज़ोड़दअ, कि तेऊ पुरा करने री हिम्मत सहा कि नांई। कंही एडा नांई हो कि सह कुणे रअ पाथर त्यार होई करे काम पूरा लायक नांई होई सका, तेबा सवै हेरन आले यह हेरी करी तेतका ठठा करदे लागणे। कि यह मणश बनाऊंदअ तअ लागअ पर त्यार नांई करी सका।

पर जेबरे तूह भोज देलअ तेबरे, तूह कंगाला, टुंडे, लेगड़े होर काणे शादे। तेबा तूह धन्य हुणा, किबेकि त्याह जेह दीणे वै किछे नांई हूंणा पर धर्मियों रे पुनरुत्थाना पैंदे ऐतका प्रति फल भेटणा।

लूण राबडा साहा, पर जेबा लूणा रा सुआद बिगडू तेबा सह कासु चीजा संघे लूणा करणा। सह ना धरती रे होर ना सह खादी रे कामा इंदा; तेबा लोका तेऊ बागे फेका जासके कणेट हो त्या शुणा।