Popular Bible Verses from यूहन्ना 3

ಶೇರ್

किबेकि परमेश्वरे संसारा में ऐडा प्रेम डाहू कि तेऊ आपण एके शोहरू भी दींनअ, कि जोह कोई भी तेऊ पेंदे बुशाह करे सह नष्ट नांई होए पर अनन्त जीबन पाए।

परमेश्वरे आपणे शोहरू संसारा में एतकि तणी नांई भेजु कि ज़गता पेंदे न्याया री आज्ञा दे, पर एतकि तणी कि जगत तेऊरे साबे उद्धार पाए।

यीशु तेऊबै उतर दिना, हाऊं ताहब सच-सच बोला, अगर कोई नऊंऐं सिरे का नांई जन्मे तेबा परमेश्वरा रे राज्य नांई हेरी सकतअ।

जोह तेऊ पेंदे बुशाह करा, तेऊ पेंदे दण्डा री आज्ञा नांई हुँदी पर जोह तेऊ पेंदे बुशाह नांई करदअ, सह दोषी ठहेरू; एतकि तणी कि तेऊ परमेश्वरा रे शोहरू रे ना पेंदे बुशाह नांई करू।

होर दण्डा री आज्ञा रा कारण यह साहा कि ज्योति संसारा में आई, होर मणशे निहारा ज्योति का बहू प्यारा समझु किबे त्यारे काम बुरे थी।

जरूरी साहा कि सह बढ़े होर हाऊं घटे।

किबेकि जोह कोई बुराई करा, सह ज्योति संघे बैर डाहंदा होर ज्योति नेड नांई ईनदी , ऐडा नांई होए कि तेऊरे कामा में दोष लाए।

जोह शोहरू पेंदे बुशाह करा, अनन्त जीबन तेऊरा साहा; पर जोह शोहरू री नांई मनदअ तेऊ जीबन नांई हेरणा, पर परमेश्वर रा रोश तेऊ पेंदे रहंदा।

होर जासू रीति संघे मूसा बूणे सर्प उछटे में चडाऊ, तेसी रीति संघे जरूरी साहा कि मणशा रअ शोहरू भी उछटे में चडाऊ लोडी

बापू शोहरू संघे प्यार डाहंदा, होर तेऊए सारी चीज़ा तेऊरे हाथे दींनी दी।