Popular Bible Verses from यूहन्ना 9

ಶೇರ್

जिन्ऐं मुँह डेयाल़ी थुवा; तिनकी ताँईऐं आँमों खे ऐजो जरूरी असो, के आँमें देसो के सकाल़ै ही तिनके काँम-काज़ करी दियों; किन्देंखे के सेजी रात्त आँणों वाल़ी असो, जबे कुँऐ आदमी किऐ भे काँम-काज़ ने करी सक्दा।

हाँव जाँव-तोड़ी संईसारी दा असो; ताँव-तोड़ी हाँव संईसारी खे ज्योति-प्रकाष असो।”

प्रभू यीशू के चैले ऐ तिनशो पुछो, “हे रंब्बी, गुरू जी! कस्के पाप के कारण ऐजा आदमी माँ की कुँख्ही शा ही आँधा पय्दा हुवा; आप्णें पाप के कारण के आप्णें माँ-बाबा के पाप के कारण ऐष्णाँ पय्दा हुवा?” प्रभू यीशू ऐ तिनखे जबाब दिता, “ना तअ ऐने आदमी ऐ किऐ पाप करी थंई; अरह् ना ऐस्के माँ-बाबा ऐं किऐ पाप करी थंई। ऐ ईन्देंखे जन्म शा ही पेट्-आँधा पय्दा हुवा, के ऐस्के कारण ही पंण्मिश्वर के बड़ियाऐ पर्गट हों।

तबे प्रभू यीशू ऐ बुलो, “हाँव ईयों संईसारी दा नियाँव करदा ही आऐ रूआ, के जिनके आगु ने देंखिन्दों, से देख्दें लागो; अरह् जुण्जें ऐशो जाँणों के अमाँरे देंखियों ऐ, से शैड़े हंऐ ज़ाँव?”