Popular Bible Verses from Ipakilya 37

ಶೇರ್

N’ayinô Yôsèf nyinô, n’arakilyi yè yô gôr’awareri yè, n’arô numbi waô yè pôlô.

Ndô Israèl arondi Yôsèf vyagaṉô n’awaṉi wè am̃ori, konde nè ayaṉi yè ayè twa pe mbôlô, n’avanginyè yè ôrôgôsambala w’ôboy.

Ndô gw’ayeṉ’awareri yè inè, reri yaô arondi yè vyagaṉô na waôdu, w’aṉumbi yè; wi pa jolye gô kamba na yè mbyambye.

N’arô jinô yè nyinô nyèṉè, n’arakilyi yè yô gôr’awareri yè. Awulyi yè inè: My’are jinô pe nyinô nyèṉè! Na vôna, nkômbe, n’ôgwèli, n’igôm̃i ny’igègèṉi n’ôgègèṉ’ôm̃ori y’apuraṉa mbè g’ôzô wam̃.

N’awareri yè w’ayeṉi ñandi g’ômwanji wè, ndô reri yè avig’agamba miṉo gô jônginya mô.

N’awulinyi yè waô inè: Sambô, vôganyôṉi nyinô yiṉo yi re myè jinô pa! Azwè akôrag’ata gô ntyaga, na vôna, iti nyam̃ ny’aṉongwa agum̃aṉa gôre, n’ati maṉi m’apingwavingwa nyô avuraṉa mbè gô nyô.

Sambô yôgôṉi, azwè ga yôṉeṉi yè, ko zwè falè gw’iṽemba, ko zwè bulya inè, anyô ne nyam̃a mbendi, ko zwè jeṉare nte be tw’inyinô sè.

Gw’avyagaṉ’igôlisi yi Madyan, aluri waô avandize Yôsèf avila gw’iṽemba, n’agôli waô yè vo agôm̃i mi sika ambaṉi gôre mongi Yismaèl, n’arwaṉi waô yè gw’Egipt.

N’awulyaṉi waô inè: Vônaṉi ôma wi jinô inyinô, ayè woṉo e bya.

N’ayeṉi waô yè davadavye, n’ayè zèvyaga ro pyèrè gôre waô, w’awôndi môndo gô jôṉè.

N’awulinyô waô ne Rubèn inè: Avôvizaṉi du ntyiṉa, ndô walaṉi yè gw’iṽemba nyiṉo nyi re gw’itôve ko aralyaṉ’ôgo gôre yè. Avegagi ni môndo gô bele sungiṉè avila gw’ago maô, gô fwiṉizè gôre reri yè.