Popular Bible Verses from Luke 3

ಶೇರ್

Asay ubbay xammaqetti simmowaappe guyyiyan Yesuusi xammaqetteedda. I woossi de7ishshinkka saluu dooyetti aggeedda. Geeshsha Ayyaanaykka haraphphiya malatiide A bollaan wodhdheedda. Saluwaappekka, <<Ta dosiyaa na7ay neena; neenan Taani nashettay>> yaagiyaa qaalay yeedda.

Yohaannisi ubbatuwaakka, <<Taani haathaan xammaqay; gidoppe attin taappe wolqqaamaynne taanikka A caammaa qashuwaa billana danddayennawe biro yaanawaa; ikka Ayyaanaa Geeshshaaninne tamaan xammaqanawaa

Simmi hinttenttu nagaraappe simmeeddawanttoo bessiyaa ayfiyaa ayfite. Hinttenttu wozanaan Abraahaamo nu aabbu de7ee gooppite. Xoossay Abraahaamossi naanaa ha shuchchatuwaappe denthanaw danddayee yaagaade taani hinttenttoo oday.

Ha77i ubba beexi mithaa xaphuwan qanxxanaw giigi utteedda; simmi lo77o ayfiyaa ayfenna mithay ubbay qanxxettiide tamaan olettanawaa.>>

Nabiyaa Iisiyaasa maxaafan xaafetteedda qaalaadan, <<Mela biittaan waassiyaa bitaniyaa kooshshay, <Godaw ogiyaa giigissite; A ogiyaakka suurissite. << <Ollay ubbay kumo; deriinne zoozii denbbaa gido, giigenna ogi ubbay giigo, hanchchiro ogi ubbay liiqo. << <Hewaa gidooppe Asay ubbay Xoossay ashshiyaawaa be7ana> >> yaageedda.