Popular Bible Verses from Yohanes Uram 10

ಹಂಚಿಕೊಳ್ಳಿ

‘Domba ukula dobkwan,’ tenenanyi yaci ura, domba asi ukula oyibkwande ati yankwande. Bok, Nira domba kalingnanyi yanman ara iya kam kun dinyi karebkwan ati yanman. Ara, langdeiboka kubde binkwaming ati Ni yanman.

Nira domba kalingnanyi teleb kunun. Domba kalingnanyi teleb ara, ‘Ni domba kalikwan,’ tenen, ‘Nira da obkwaningnyi ababyi iya kalikwan,’ tenen er domba asi diboka kalingnande.

Ni domba ara Ni uram sirya kekebmangnyi uca, Nisi miliraning. Niryi Ni domba asi bingnun ati ebman.

Niryi Ni domba asi iya kam kun dinyi karebkwan. Tonda, sunda kum danana iya kum kubkwaming. Niryi Ni domba asi taruk aryi talenun ati, yuk nang aryi ukula dobdobmana kum kubkwaming.

Nira domba kalingna ai bublan atonyi kunun. Domba ara Ni biriman aryi wengyamingnyi uca, lemna dinyi dobdobkwaming. Dobdobingnyi ura, sunci aitam wengyandoka baitam anabindoka teleb maning yibde binkwaming.

Nira domba kalingnanyi teleb kunun. Niryi Ni domba asi diboka bingnun ba, Ni domba ara Nisi diboka bingnunung.

Ni Nai Imtamnyi biryi Nisi a domba karebnou. Tonda, Erda iya erebdob mikibnyi kurur ati, ninyi tentok ababyi Ni domba asi ukula kum dobkwamote. Ni ab Ni Nai Imtamnyi ab tonkwa tentok kununum ati ebman,” ebmou.

Ni Nai Imtamnyi biryi Nira Er Mi asi bingnurur to, Nibabyi Ni Nai bisi bingnun. Ba, Niryi, ‘Ni domba asi kam kubkwaming,’ tenen ati Niryi Ni damnyi karebdankwan.

Ninyi tentok ababyi Ni isin asi kum dakabokwanir. Eda, Niryi Ni damnyi karebdandoka isin dakdobkwan. Niryi Ni damnyi karebdankwan mikib bonunyi kunun. Tonda, kam tubto bukokwan mikib bonunyi kunun. Ni Nai Imtamnyi biryi Nisi ebdeibnou to, kunubkwan ati ebman,” ebmou.

Ura, Yesus biryi sun Er Uram keken nang asi ato eboka eterebmou. “Niryi sunsi diboka ebkwinsin. Nira dib kobdob domba dongoboka kalingna ai bublan atonyi kunun.

Ba, dengna dorona ati domba kalingmilirandinyi bira domba kalingnanyi diboka kum kurandiryi, domba damnyi kuma aryi a domba ara diboka kum kalingnande. Kalikoka kunmaci asi, bai kam aryi, ‘Domba oyibkwan,’ tenen yangaci asi, domba kalingmilinanyi biryi asing eibci ura, er ilil aryi a domba mer deibloboka bindobkwande. Ba, a domba mer ara ur talyi deiblobmaci asi, bai kam aryi yandoka a domba asi oyibkwande. Ba, a domba mer ara daluboka dantam-dantam binsekwaming.

“Niryi sunsi diboka ebkwinsin. Unanyi biryi domba kalingna ai wekingnyi ura, domba kalingna ai bublan bisik kum wekingnyi ura, erda domba kalingna lika asi iniboka likingnyi ura, sun ato nang ara domba kalingna nang kum kunung. Eda, a nang ara domba asi ukula don nang ato kunung. Tonda, ‘Yuk nang dinyi araboka dobdobkwayeb,’ tenen nang ato kunung. ‘Domba asi ukula dobkwan,’ tenen nang ato kunung.