Popular Bible Verses from Nugana 9

ಶೇರ್

Ta Eaubada ‘i ona, Gete ona‘upa‘upa ‘ana we‘iwe‘iiaia tauna ia bubuna ‘eguia ta ‘emia ta mwerumweruruina maiawasina iauna ma‘emiao wa da miami, epata tomota ‘ataia manudi: ‘Igu ulele ni‘atu ia sa‘una poana ‘ena, ta tauna ‘i da ona‘upa‘upa ‘ana we‘iwe‘iiaia ‘eguia ta bare‘u ‘enaia.

Ta ulele poana ‘ena ‘i da miami; ta ia da duneiena, be ‘enega ona‘upa‘upa ‘i da mia ‘ataia Eaubada ‘enaia ta esio iauiauna bare‘uia mwerumweruruina maiawasina iauna ‘edia ia da nua‘i‘isi.

Tauna tai rarana ‘i giedauna, tai ‘enega rarana si da giedau: Eaubada ‘ana ma‘ama‘aiau ‘enega tai ‘i bubuna ta ‘enega.

Ta Eaubada Noa be natunao me‘olotodi ‘i ona obobomedi, ta ‘i eonedi, Wa da losiwa, ta wa da eiau, ta bare‘u wa da loemae.

Iage loniudi iauna maiawasidi ‘ami masura; ‘atua pwatura karakarawina iauiauna ia ‘ebwaemi.

Ta ‘ami matauta ta ‘ami ‘atesa‘ara bare‘u ‘ina bomitawa iauna ‘edia ‘i da miami, mwatui manuina iauna ‘edia be; iage iauiauna ‘ediega bwa‘a ‘i maamaa, ta ora ianina iauiauna ma‘ediao, nimami ‘ena ia tagwaredi.

Ta ‘omi, wa da losiwa, ta wa da eiau; bare‘uia wa da tubua sinabwana, ta ‘ena wa da eiau.