Popular Bible Verses from Juan 14

ಶೇರ್

E pas mukav tumenge, murni pas dav tumen. Ni dav la tumenge gia sar del la o sueto. Te na tristolpe tumaro lio, na daran.

O Jesus phenda leke: Me sem o drom, o chachipe ta o zivoto. Niko ni llal kai o Dad bi murno.

Te na tristolpe tumaro lio. Pachan ando Del, pachan i ande mande.

A o Santo Duo kai o Dad ka bichalel ande mo anav, vou ka sikavel tumen sogo si e ezgode ta ka cherel te den tumen golli sa so phendem tumenge.

Gua kai si le me zakonura ta cherel len, gua si kai volil man. Ta mo Dad ka volil le, ta i me ka voliv le ta ka sikavav leke sar sem.

Me ka moliv man e Dadeke ta vou ka del tumen aver kai ka del tumen zor te avel tumenchar suako llive: o Duo e chachimako, gole kai o sueto nasti lel, soke ni dikhel le, ta ni pinllarel le. A tumen pinllaren le, soke zivil tumenchar ta i ka avel tumenchar.

Ta sogo tumen mangena e Dadetar ande mo anav, ka cherav le, te sai avel o Dad blagosime. Te mangena vareso ande mo anav, ka cherav le.

Te volina man, cheren so phenen me zakonura.

Ande me Dadeko cher si but thana. Te na avilaia gia, phendema le tumenge. Ka llau te lacharav than tumenge.

A te llelemtar ta te lachardem than tumenge, pale ka avav te inllarav tumen manchar, te aven kote kai me ka avav.

O Tomas phenda e Jesuseke: Gazda, ni llana kai lla, ¿sar ka pinllara o drom?