Popular Bible Verses from Leo 5

ಹಂಚಿಕೊಳ್ಳಿ

Goin lado mavagi tamamu mei retahimu mwerei nomu HUQE Mauri u veve lawego, huri nein mwaso vin tuei, me nein toga vurugegi vin qaravu lolo vanue nomu HUQE Mauri vin betea lawego.

Nein dige lo turegi hi a nomiu HUQE Mauri u veve lawe gimiu. Tareve nein vei mwere hi, nomiu mwasoana vin garea me nein mwaso vurugegi siu nein toga vin qaravu lolo vanue ngere hi nein leie vin vuragi nomiu.”

Goin mese huduhudu goro na huqe vurogi huri neu nomu HUQE Mauri, neu a domi gagarasi. Nain vevegi na maresu huri na bugui tamara vin dadari lo bambai maresu gaitolu, gaivesigi ngere hi rau leo masi eu. Nge a noku vaigarea lawe na sinobu teriteri ngere hi rau leogareagi eu me ram wiribibi na noku leohora.

Goin mese vai na nunui huqe tau eulu lolo taetae, sige nunui gineu mwaso talo tano me lo vavai tano, me lo buloi tahi vuine.

Goin mese huduhudu goro na huqe wagineu. Neu Huqe gategale.

Goin mese ware vurogi na henai nomu HUQE Mauri, huri HUQE vin vevegi nire ram ware vurogi na henana.

Neu nam tarani ve rain lado mavagieu, me rain tabe na noku lehora tamwere, me lo nora mwasoana, noi reneture me i reneture rain vomai lo tagure vin garea vin tuei

Goin wiribibi na rani gaibitugi vin gogona, a rani mangana mwere hi nomu HUQE Mauri u veve lawego.

Goin mese vai huri gaihorai tuemu, a valena, a nona tano, a nona tangaloi tabanagi, a bulana gangarue, sige a nona gineu doluegi.’”

Goin mese maturu mena vavine dolue nge hate i horamu sige a mwera hate tamainetumu.

Goin mese gaivutugi retuemu gena leo kalikeli.

Goin mese ue vagamate na tangaloi.

Goin mese balubelu.

Huri goin lado bibi ve niko a tangaloi tabana vurogi, lolo Ijib, nge a nomu HUQE Mauri u lei vohogi niko dena Ijib gena nona huireana. Siu nomu HUQE Mauri mo veve lawego huri ve goin wiribibi na rani gaibitugi.

Lolo rani gaiono goin tabana me goin vei na tabanagi doluegi lolona. Nge a rani gaibitugi a rani mangana noi nomu HUQE Mauri. Goin mese vai na tabana lune, niko mei renetumu, sige a nomu tangaloi tabanagi doluegi sige a bulugi sige a donki, sige hala. Sige hine bulemu gangarue, me hala lolo nomu ara, huri a nomu tangaloi tabanagi rain manga mwereigo.

‘Neu nom nomu HUQE Mauri, nau lei vohogi niko dena vanue Ijib, a vanuei tangaloi gimiu neu tabana gagarasi lune.