Popular Bible Verses from Jon 1

ಶೇರ್

E dau osep ka aitno lisak dagar ke iye e tidue io iye kar isak arit ma tikaranga tipolou Ida Tapolngon titno.

Oglou oglou ari alo ka Ida Tapolngon dau tapol wan gesa kovok gute ka ina sirngen Ida Tapolngon Ila Pelengon dong kap iye e gute tonari iye Ida Tapolngon blang.

E bublongon tonari bublo ke aivoro e aivoro karanga mole kovok.

Gute ka ina sirngen Ida Tapolngon Ila Pelengon polou langka itosep e ke sasi boto iye dong kap ite e itavati ila bublongon e ila arit ka ombatno. Iye dong langane kesua iye Ida Tapolngon Otno Arang ka kene vala e elio ka iye makai ite e wai pelengon lokono bon ke iye.

Ida Tapolngon due gute tonari ma iye tapol wan ka pula keniye ka tidong. E wan gesa polou ke ekreng silang kovok. Aurou. E gute tonari iye mosongon batne e mosongon tonari langka osep ka pula keniye urok bublongon ka due isak tile omur itau.

E ke oklou silang Jon vati Yesus lila me ke iye e wai ke osep langane. “Umavati. Gute are gute ka Ida Tapolngon ila Sipsip Otno ka due osep ke taklak urok elio epmes ina noklok la.

Bublongon me dong ke taklak e lama Ida Tapolngon due gute tonari tapol taklak e wan ka pula keniye ka tidong ine dau osep ke taklak tile iye kovok. Iye me ke ila osua e aitno lisak itau ke iye kovok e tidue kovok.

Bublongon tonari iye bublo-ngon ka lokono ka me ke taklak e bublo ke osep ka pula keniye ma tikaranga tile omur itau.

Oglou Moses sogo Ida Tapolngon ila pelengon dagar e kare ke ite e oku ane Yesus Krais kar Ida Tapolngon ila makaingan e ila pelengon ka lokono ke ite.