Popular Bible Verses from Marko 6

ಶೇರ್

Tay mothodya lenge o Isus, “Aven mantsa korkoro and ekh mirno than tay te hodinisavon ekh tsiŕa.” Mothodya kadya ke sas but žene kay žanas vi angle vi palpale tay nas le či vryamya či te xan.

No, mothodya o Isus, “Amburim ekhe profetos si les pačiv, numa nay les ande pesko them maškar peske nyamuri tay ande pesko kher.”

Kana avilo avri o Isus anda e ladžiya, dikhlya bute ženen tay pelya leske bari mila lendar ke mezinas pe le bakre kay nay les bakrari. Tay thodya‐pe te sityarel le.

Tay naštilas či kerel čudi kutka numa thodya peske vas pe vuni nasvale tay sastardya le. Tay mirisayle ke sas kadya, bi‐patyayimaske. Atunči, gelo‐tar le gaventsa tay sityarelas.

Tay bešle and el řinduri, vuni po šel tay vuni po panžvardeš. Apo, lya le panž manře tay le do mašoŕen tay dikhlya opre karing o čeri tay nayisisardya le Devleske. Atunči, phaglya o manřo tay dya les peske vortačenge te hulaven les. Vi le mašoŕen huladya maskar savoŕende. Sa xaline tay sa čaylile. Tay atunči tyide deš‐u‐duy košnitsi pherde kotorentsa le manřestar tay le mašoŕendar.