Popular Bible Verses from Genesis 37

ಶೇರ್

Ïmo imidagai tïïtïkimi Jose dai aagidi xixïgidï ix tuma tïïtïkimi ïgai xi gokïdï apia bamioma kïïdaiña ïgai.

Kaxi ïr kïrhiodamikatadai go Jakobo aidïxi maara ïgai go Jose kaxkïdï bamioma oigïdaiña ïgai go Jose xi bhai xixïgidï dai idui ïmo basaragai kïï tiodikami dai maa go Jose. Go Jakobo Israel tïgidukana ïpï.

Dai Jose xixïgidï kïïdaiña Jose nïiditai xi bamioma oigïdaiña ogadï. Dai tomarhi mai biaturhiña ïgai xako tïïgiagi go Jose.

Bhodïrï ïpïpï tïïtïkimi go Jose dai aagidi xixïgidï, —Ïpamu tïïtïkimi aanï— itïtïdai. —Tïïtïkimi aanï go tasai ïmadï masadai dai bhaibuxtama dan ïmo xixabugai gin buidïrï kuiki— itïtïdai.

Dai go xixïgi ïgamu buidïrï go Jose. Dïï ogadï gia mos tïgito aimïraiña tïïtïkidï ïgai, —Maatï xi buaboi busiagi gobai ïpï— gï ïrhidi ïgai.

—Tïïtïkimi aanï dai gïn aagida in ïrhidi ix tuma tïïtïkimi aanï— itïtïdai go Jose. —Tïïtïkimi aanï sai guikomai aatïmï tïrhigi. Sïïrhi kïkiba ïraana ix makïdï buu aanï dai ix makïdï guikomai aapimï bïï xikorhi mos koidamu kuikïskïdan buayi dai xadutuadan dukai ibuayi buidïrï ix makïdï buu aanï— itïtïdai.

—Tïtai gïbiña dai mïï daituda xako gïï dïïga oidigi dai tïdagi sai ïmo kïixi ïgai dai mua. Aidï gia ka nïidamu aatïmï sa bhai buaboi busakïi tïïtïkidï— ikaiti ïgai.

Bhodïrï xixïgidï busaitu go Jose ïpamu dïgakaiñdïrï aidïxi ka dïgabusai go gaagaradami dai gagalda agai. Ïmokobhai tuminxikïdï plata gagara ïgai. Dai go gaagaradami bhïkai go Jose dai gamo Ejiptuamu gagaara agai ïpamu.

—Bhodïrï imïi ix makïdï bïïxkïrï tïïtïkiïrï gïr tïanïda agai— ikaiti xixïgidï.

Mai kia ayi go Jose amïka xako daraja xixïgidï dai xixïgidï ka mïkaxdïrï tïï dai bhai dui ñoki xi gïbiña agai.

—Bhaiyoma adukai duakakami abïr dïgakana baasa no oidigana dai mai xu soi doada—itïtïdai. Ipïrhiditadai ïgai ix soiñagi Jose dai ïpamu mïï tïïgiadagi ogadï dai pokaiti.