Popular Bible Verses from Dzwan 14

ಶೇರ್

À də̀ ibvay mə nyiə̀ â ghà, mə nyiə̀ ghà nə̀ ìbvay yam yiy. Ibvay i ghà yə̀ wày dzə ndzòʼò ì yu mbyi də ani nyə̀. Kəə ghǎ nə̀ fyimə iwee nəli yiy, kəə ghǎ nə̀ tsəŋə sòʼò.

Yesù ə bə̀lì kə a we nə, “Mə də dzəd ì ghà yə̀, mə də sòʼò iyiə ìsoŋə̀ yìy, də̀ sòʼo imuə̀. Wù lìy wày dzə ani zù akə̀lə̀ Tà, àmày kə abidzəmə̀ mìə̀.”

Yesù kə dzày â tsə̀təndii tə we tiy a ghu nə, “Kəə i nə̀ fyimə dzə̂ gha anə fôŋ! Ghà kəli tsə kə ìbɛmə awò Zə̀kìy, ghà kəli tsə sòʼò ìbɛmə â mìə̀.

Wù wə̀ ù kì fìì nəniy gha, tyoŋə Zwàykə̀zwekiy, Tà kì twumə bə̀ we anə izəd yam, ù kî tyi dè mà bə̀ àyiə adzə̀m â ghà, ù zəŋi sòʼò nə̀ ghà kə nîyzə̀ dzə̀ ayiə yə àdzə̀m mə dzây nəniy â ghà.

Wù wə̀ ù liə nəniy miə, à də̌ wù wə̀ ù zəŋə yə̀ àyiə yə mə dzây nəniy. Təli wam kî liə ŋwǒ wù wə̀ ù liə nəniy miə, mə ki liə soʼò we, mə dê yə̂ ndzòʼò wù wə̀ mə də nəniy â we.”

Mə ki dzây yə̂ nə̀ Tà twum bə̀ ghà nə̀ wù lìy wìy ù kì fìì nəniy gha, ù mùə̀ nə̀ ghà anə nsòŋi ndzə̀m. Wù ghè wə̀ də̌ Zwàykə̀zwekiy, ù kì dè bə̀ ghà nə̀ iyiə yə i də nəniy ìsoŋə̀ yìy kùmə̀ yə̀ nə̀ Zə̀kìy. Aghee mbyi yiy way dzə ani ŋgwam na dzə̀ we, aŋwòə ghu way dzə ani kòʼ we moo ani kəli we. Ghà kwuni kwu ŋwô we aŋwòə ù mùə nə̀ ghà, də̀ sòʼòazoŋə̀ ghà.

Abu à də kə ndzòʼò ìyiə ìghaa yiy, ghà ŋwaa bə̂ nəniy anə izəd yam, mə kî zəŋə ŋwò anə yiə yə aghê də ani kòʼ bə̀ nə̀ Tà də̌ wù ùsòŋə̀ wìy abidzəmə̀ Wa. Abu ghà ŋwaa kə iyiə ìghaa yiy â mìə̀ anə izəd yam mə kî zəŋə ŋwò.”

Yesù ə dzày tsə â tsə̀təndii tə we tiy a ghu nə, “Abu ghà liə nəniy miə, ghà ə zuw ayiə yam à dziy yiy.

Ndàw təli wam kwu ndə̀mə̀ à dzwə. Mə zê ani zù byay na tsə kəloʼo awò ghà. Mə mə̀ dzìy dzîy dzə̀ wày ayiə yə â ghà bəə à mə̀ də wày ayiə àsoŋə̀ yìy.

Abu mə zû byay na tsə dzə̂ loʼo tiy awò ghà, mə ki bû dzwoŋi mə bû nîy ghà, tə̀ ghà bû dòʼò nə̀ mìə̀. Ghà ki də a lòʼo kə mə də nəniy ate.

Tomàs mee a we nə, “A Mwe ə̀ Mbyi, ghè kwu dzə̀ way loʼo kə wò zè nəniy ate, ghè də ani kəli mə̀yə dzəd ani zù awote ə?”