Popular Bible Verses from युहन्‍ना 4

ಶೇರ್

पर्‌मेस्‍वर् आत्‍मा य्‍हीन्‍ब, ओसेम् थेङ्‌त तेन्‍बलमाचे देमेन्‍तेङ् आत्‍मारी तेन्‍थोब।”

तर बेलो खटीब मुब ओसेम् हुजु बेलो देरे य्‍हीन्‍ब, देमेन्‍लेनो तेन्‍बलमाचे अपत देमेन्‍तेङ् आत्‍मारी तेन्‍स्‍ये मुब। चोले तेन्‍बे म्‍हीमात पर्‌मेस्‍वर्‌चे म्‍हइजेत्‍प।

तर ङचे पीन्‍स्‍येकी यी थुङ्‍बलमा खेमेएनो दोज्‍यीम् फीःस्‍ये अरे। ङचे खल्‍त यी पीन्‍ब हुजु यी प्‍योःस्‍यीनो टीबे म्रुः तस्‍ये मुब, ओसेम् थेत खेमेएनो अबेबे जीवन पीन्‍स्‍ये मुब।”

येसुचे अमकोलत जोहाप् न्‍हङ्‌ज्‍यी, “एचे पर्‌मेस्‍वर्‌की बरदान्‍तेङ् एत यी र्‌हीत्‍पे म्‍हीत स्‍येबल य्‍हीन्‍सम् एचेक थेत र्‌हीत्‍स्‍ये मुबल, ओसेम् थेचे एत सोम्‍बो यी पीन्‍स्‍ये मुबल।”

ओसेम् येसुचे थेङ्‌यीमात सुङ्‌ज्‍यी, “ङत पीत्‍युजेत्‍पलइ थुः र्‌हङ्‌लेनो ब्रबतेङ् थेङ्‌की लक् टोप् स्‍य्‍हेङ्‌बनो ङइ चब य्‍हीन्‍ब।

हुजु अमकोलचे थेङ्‌त पङ्‍ज्‍यी, “लोप्‍पोन्, थेङ्‌तेङ्‍मी यी तेत्‍पे तङ्‍लोएनो अरे, ओसेम् इनारएनो नुप्‍पल मुब। थेङ्‌चे खले हुजु सोम्‍बो यी तेत्‍ज्‍यीम् न्‍हङ्‍जेत्‍प?

ओसेम् अमकोलचे पङ्‍ज्‍यी, “ङत था मुब, मसीह ब्‍योन्‍युस्‍ये मुब (मसीह पङ्‍बलमी मुक्‍ती न्‍हङ्‌बे ख्रीस्‍ट् य्‍हीन्‍ब), ओसेम् थेङ्‌चेनो ङ्‍यीमात जम्‍मनो तम् स्‍येनलजेत्‍स्‍ये मुब।” ओसेम् येसुचे अमकोलत, “एतेङ् तम् लटीबे ङनो थेङ् य्‍हीन्‍ब” बी सुङ्‌ज्‍यी।

“खोउ, ओसेम् म्‍ही गीःत च्‍याको, थेङ्‌चे ङत ङचे स्‍य्‍हेङ्‌बे जम्‍मनो लक्‍मा सुङ्‍पीन्‍जेत्‍ज्‍यी। थेङ्‍नो मुक्‍ती न्‍हङ्‌बे ख्रीस्‍ट् य्‍हीन्‍ज्‍यी वुइ?”