Popular Bible Verses from Matayo 24

ಶೇರ್

Kuko ikibi kizogwira, urukundo rwa benshi na rwo ruzotimba. Ariko uwuzokwihangana gushitsa kw’iherezo azorokoka.

Kandi ubu Butumwa Bwiza bw’Ubwami buzovugwa kw’isi yose, kugira ngo bubere ikimenyetso amahanga yose, hanyuma umuhero uzoca uza.

Muzokwumva intambara n’inkuru zivuga ivy’intambara hirya no hino, ariko ntimuze muhagarike imitima. Ivyo bitegerezwa gushika, ariko iherezo rya vyose ntirizoba rirashika.

Ihanga rizotera irindi hanga, ubwami butere ubundi bwami. Ahantu henshi kw’isi hazoba amapfa n’ukunyiganyiga kw’isi. Ivyo vyose bizoba ari nk’intango y’ibise.

Ijuru n’isi bizokurwaho, ariko amajambo yanje ntazokwigera akurwaho.

kuko benshi bazoza mw’izina ryanje bavuga ngo: ‘Ni jewe Kristo,’ kandi bazozimiza benshi.

Hanyuma bazobafata babahame, ndetse babice. Muzokwankwa n’amahanga yose babahora izina ryanje. Ico gihe benshi bazota ukwizera bahemukiranire kandi bankane. Hazokwaduka abavugishwa b’ibinyoma benshi kandi bazozimiza abantu benshi.

Yesu arababwira ati: “Mwiyubare ntihagire umuntu n’umwe abazimiza

Ni co gituma namwe mukwiye kwama mugavye, kuko Umwana w’Umuntu azoza mu gihe mutamwiteze.

Kubera ivyo rero mube maso, kuko mutazi umusi Umwami wanyu azozirako.

Ariko ku bijanye n’umusi canke isaha, baba abamarayika bo mw’ijuru canke Umwana ubwiwe, nta n’umwe abizi uretse Data wenyene.

Kuko abiyita Kristo n’abavugishwa b’ibinyoma bazoza ari benshi, bakore ibimenyetso n’ibitangaza kugira ngo bishobotse bazimize n’abatoranijwe.

Nk’uko vyari bimeze mu gihe ca Nowa, ni ko bizomera no mu gihe co kugaruka kw’Umwana w’Umuntu. Kuko mu misi y’imbere y’uko umwuzure uza, bararya, baranywa, bararongora bagashingiza, gushika umusi Nowa yinjiye mu bwato. Ntibigeze bamenya ibigira bibe kugeza umwuzure uje ukabatwara bose. Uko ni ko bizomera igihe Umwana w’Umuntu azozira.