Popular Bible Verses from ငဝ်ႈၵမ်ႇၽႃႇ 1

ಶೇರ್

ၵမ်း​ၼၼ်ႉ ၽြႃး​ပဵၼ်​ၸဝ်ႈ​ဝႃႈ၊ ႁဵတ်း​ပဵၼ်​ၵူၼ်း​ၸွမ်း​ၼင်ႇ​ပုင်ႇ​ႁၢင်ႈ​ႁဝ်း၊ ႁၢင်ႈ​ၽၢင်​ဢၼ်​လဵဝ်​ၵၼ်​တင်း​ႁဝ်း​တႃႉ​ႁဝ်း။ ႁႂ်ႈ​မၼ်း​ဢုပ်ႉ​ပိူင်ႇ​ပႃ​ပၢင်ႇ​လၢႆႇ​လႂ်၊ ၼူၵ်ႉ​ၵၢင်​ႁၢဝ်​လႂ်၊ တူဝ်​ယဵၼ်ႇ​တူဝ်​ငႄႈ​လႂ်၊ လိၼ်​တင်း​သဵင်ႈ​တင်း​လူင် တင်း​တရိၵ်ႈသၢၼ်ႇ​ဢၼ်​ၸၢင်ႈ​ၵႂႃႇ​ၸၢင်ႈ​ၵၢၼ်း​ၵႃႈ​ၼိူဝ်​လိၼ်​ၵူႈ​ၸိူဝ်ႉ​ၵူႈ​ပိူင်​လႂ်​သေ၊ ဝႃႈ​ၼင်ႇ​ၼႆ​ဢေႃႈ။- ၼင်ႇ​ၼၼ်​လႄႈ ၽြႃး​ပဵၼ်​ၸဝ်ႈ​ၽၢၼ်ႇ​သၢင်း​ႁဵတ်း​ပဵၼ်​ၵူၼ်း ၸွမ်း​ၼင်ႇ​ပုင်ႇ​ႁၢင်ႈ​တူဝ်​ၸဝ်ႈ​ၵဝ်ႇ​ဢေႃႈ။ ၸွမ်း​ၼင်ႇ​ပုင်ႇ​ႁၢင်ႈ​ၽြႃး​ပဵၼ်​ၸဝ်ႈ​ၼၼ်ႉ၊ မၼ်း​ၸဝ်ႈ​ၽၢၼ်ႇ​သၢင်း​ႁဵတ်း​ပဵၼ်​ၶဝ်​ဢေႃႈ။ ၶဝ်​ၼၼ်ႉ​ၸိုင်၊ မၼ်း​ၸဝ်ႈ​ၽၢၼ်ႇ​သၢင်း​ႁဵတ်း​ပဵၼ် ၵူၼ်း​ၸၢႆး​ၵူၼ်း​ယိင်း​ဢေႃႈ။

ၽြႃး​ပဵၼ်​ၸဝ်ႈ​ပၼ်​တၢင်း​လီ​တီႈ​ၶဝ်​လႄႈ​ဝႃႈ၊ ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​လႄႈ​ယႂ်ႇ​ၽႄႈ​ၼမ်​ၵိုၼ်း​တႃႉ။ ႁႂ်ႈ​တဵမ်​လိၼ်​မိူင်း​လႄႈ ပႄႉ​ၼႅင်ႇ​တႃႉ။ ဢုပ်ႉ​ပိူင်ႇ​ပႃ​ပၢင်ႇ​လၢႆႇ​လႂ်၊ ၼူၵ်ႉ​ၵၢင်​ႁၢဝ်​လႂ်၊ တရိၵ်ႈသၢၼ်ႇ​ဢၼ်​ဢသၢၵ်ႈ​လိပ်း​ယူႇ​လႄႈ ၸၢင်ႈ​ၵႂႃႇ​ၸၢင်ႈ​ၵၢၼ်း ၵႃႈ​ၼိူဝ်​လိၼ်​ၵူႈ​ၸိူဝ်ႉ​ၵူႈ​ပိူင်​လႂ်​တႃႉ၊ ဝႃႈ​ၼင်ႇ​ၼႆ​ဢေႃႈ။

မိူဝ်ႈ​ၵေႃႇၸႃႉ​ႁူဝ်​ပိုင်း​ၼၼ်ႉ၊ ၽြႃး​ပဵၼ်​ၸဝ်ႈ​ၽၢၼ်ႇ​သၢင်း​ႁဵတ်း​ပဵၼ်​ၵၢင်​ႁၢဝ်​တင်း​လိၼ်​မိူင်း​ဢေႃႈ။

လိၼ်​မိူင်း​ၼႆႉ ဢမ်ႇ​မီး​ႁၢင်ႈ​ၽၢင်​လႄႈ​ပဵၼ်​ဢၼ်​ပဝ်ႇ​လၢပ်ႈ​ဝႆႉ​ဢေႃႈ။ လပ်း​သိင်ႇ​မုင်း​ႁူမ်ႇ​ၵႃႈ​ၼိူဝ်​တီႈ​ဢၼ်​လိုၵ်ႉ​ဢၼ်​လမ်ႇ​ၼၼ်ႉ​ဝႆႉ​လႄႈ​ဝီႉၺိၺ်ႇ​ၽြႃး​ပဵၼ်​ၸဝ်ႈ ၵိင်း​ဝၢပ်ႈ​ယူႇ​ၵႃႈ​ၼိူဝ်​ပၢင်ႇ​ၽိဝ်​ၼမ်ႉ​ဢေႃႈ။

ၽြႃး​ပဵၼ်​ၸဝ်ႈ​ၵေႃႈ​ဝႃႈ၊ ႁႂ်ႈ​ဢၼ်​လႅင်း​ပဵၼ်​မႃး​သေ၊ ဝႃႈ​ၼင်ႇ​ၼႆ​လႄႈ​ဢၼ်​လႅင်း​ပဵၼ်​မႃး​ဢေႃႈ။

ၽြႃး​ပဵၼ်​ၸဝ်ႈ​လူ​တူၺ်း​ၵႃႈ​ဢၼ်​မၼ်း​ၸဝ်ႈ​ႁဵတ်း​ပဵၼ် တင်း​သဵင်ႈ​တင်း​လူင်​သေ​ယဝ်ႉ၊ ႁၼ်​လွင်ႈ​ဢၼ်​ပဵၼ်​ဢၼ်​လီ​ၼႃႇ​လူင်​လၢင်​လႄႈ ပဵၼ်​ႁူဝ်​ၶမ်ႈ​ပဵၼ်​ႁူဝ်​ၼႂ်၊ ဝၼ်း​သႃႉထမႃႉ​ဢေႃႈ။

ၽြႃး​ပဵၼ်​ၸဝ်ႈ​ႁၼ်​လွင်ႈ​ဢၼ်​လႅင်း​ၼၼ်ႉ​လီ​လႄႈ​ၸင်ႇ​ၽႄ​ဢၼ်​လႅင်း​တင်း​ဢၼ်​လပ်း​သိင်ႇ​ဝႆႉ​ဢေႃႈ။

ၽြႃး​ပဵၼ်​ၸဝ်ႈ​ဝႃႈ၊ တူၺ်း​လူး၊ ၵဝ်​ပၼ်​တူၼ်ႈ​ၶဝ်ႈ ၵူႈ​ၸိူဝ်ႉ​ၵူႈ​ပိူင်​ဢၼ်​ၸၢင်ႈ​ႁႂ်ႈ​ပဵၼ် မၢၵ်ႇ​ၶဝ်ႈ​မဵတ်ႉ​ၶဝ်ႈ ၵႃႈ​ၼိူဝ်​လိၼ်​ၵူႈ​တီႈ​ၵူႈ​လႅၼ်၊ တူၼ်ႈ​မႆႉ​ဢၼ်​ပျေႉ​ၸုမ်ႇ​တင်း​မၢၵ်ႇ​ဢၼ်​ႁႂ်ႈ​ပဵၼ်​ၸိူဝ်ႉ​ပဵၼ်​ၽၼ်း ၵူႈ​ၸိူဝ်ႉ​ၵူႈ​ပိူင်​တီႈ​သူ​ဢေႃႈ။ ပဵၼ်​ပုၼ်ႈ​ဢၼ်​သူ​တၵ်း​ၵိၼ်​ဢေႃႈ။

ၽြႃး​ပဵၼ်​ၸဝ်ႈ​ႁွင်ႉ​ႁဵၵ်ႈ​ဢၼ်​လႅင်း​ၼၼ်ႉ​ၸိုဝ်ႈ​ၵႃ​ဝၼ်း၊ ဢၼ်​လပ်း​သိင်ႇ​ၼၼ်ႉ​ၸိုဝ်ႈ​ၵႃ​ၶိုၼ်း​လႄႈ ပဵၼ်​ႁူဝ်​ၶမ်ႈ​ပဵၼ်​ႁူဝ်​ၼႂ်၊ ဝၼ်း​ပထမႃႉ​ဢေႃႈ။

ၵမ်း​ၼၼ်ႉ ၽြႃး​ပဵၼ်​ၸဝ်ႈ​ဝႃႈ၊ ႁႂ်ႈ​ၼႃႈ​ၽႃႉ​ပဵၼ်​မႃး​ၵႃႈ​ၼႂ်း​ၶိုင်ႈ​ၵၢင်​ၼမ်ႉ​ၼႆ​သေ။ ႁႂ်ႈ​ၼမ်ႉ​ၼင်ႇ​ၵၼ်​ၽၢတ်ႇ​ၽႄ​ၵၼ်​သေ၊ ဝႃႈ​ၼင်ႇ​ၼႆ​သေ​ယဝ်ႉ၊

တီႈ​တူဝ်​ဢၼ်​ယူႇ​ၵႃႈ​ၼိူဝ်​လိၼ်​လႂ်၊ ၼူၵ်ႉ​ၵၢင်​ႁၢဝ်​လႂ်၊ တရိၵ်ႈသၢၼ်ႇ​ဢၼ်​ဢသၢၵ်ႈ​လိပ်း​ယူႇ​လႄႈ ၸၢင်ႈ​ၵႂႃႇ​ၸၢင်ႈ​ၵၢၼ်း​ၵႃႈ​ၼိူဝ်​လိၼ်​လႂ် ၵႃႈ​မီး​တင်း​သဵင်ႈ​တင်း​လူင်​ၵေႃႈ၊ ၵဝ်​ပၼ်​တူၼ်ႈ​ယိူဝ်ႈ​တူၼ်ႈ​ယႃႈ​ၵူႈ​မဵဝ်း​ပုၼ်ႈ​ဢၼ်​ၶဝ်​တၵ်း​ၵိၼ်​ဢေႃႈ၊ ဝႃႈ​ၼင်ႇ​ၼႆ​လႄႈ ၸင်ႇ​ပဵၼ်​ၸိူဝ်ႉ​ၼင်ႇ​ၼႆ​ဢေႃႈ။

ၵမ်း​ၼၼ်ႉ ၽြႃး​ပဵၼ်​ၸဝ်ႈ​ဝႃႈ၊ ၼင်ႇ​ႁိုဝ်​တၵ်း​ႁႂ်ႈ​ၵႃ​ဝၼ်း​တင်း​ၵႃ​ၶိုၼ်း​ပႅၵ်ႇ​ပိူင်ႈ​ၵၼ်​ၸိုင်၊ ႁႂ်ႈ​ႁိူၼ်း​ဢၼ်​ႁိူဝ်ႈ​ဢၼ်​လႅင်း​တင်း​လၢႆ ပဵၼ်​မႃး​ၵႃႈ​ၼႂ်း​ၶိုင်ႈ​ၵၢင်​ၼႃႈ​ၽႃႉ​ၵၢင်​ႁၢဝ်​သေ။ ႁႂ်ႈ​ပဵၼ်​ပုၼ်ႈ​ၼီႉမိၵ်ႈ​လၢၵ်ႈၶၼႃႇ​လႂ်၊ ၶိင်ႇ​ဢၼ်​မၵ်း​ၶၢၼ်း​ဝႆႉ​လႂ်၊ ဝၼ်း​လႂ်၊ ပီႊ​လႂ်​သေ။

ၵမ်း​ၼၼ်ႉ ၽြႃး​ပဵၼ်​ၸဝ်ႈ​ဝႃႈ၊ လိၼ်​ၼႆႉ​ႁႂ်ႈ​တူၼ်ႈ​ယိူဝ်ႈ​လႂ်၊ တူၼ်ႈ​ၶဝ်ႈ​ဢၼ်​ၸၢင်ႈ​ႁႂ်ႈ​ပဵၼ်​မၢၵ်ႇ​ၶဝ်ႈ​မဵတ်ႉ​ၶဝ်ႈ​လႂ်၊ တူၼ်ႈ​မႆႉ​ဢၼ်​ၸၢင်ႈ​ႁႂ်ႈ​ပဵၼ်​မၢၵ်ႇ​မႆႉ​မၢၵ်ႇ​တွၵ်ႇ​လႄႈ ပႃး​ၸိူဝ်ႉ​ပႃး​ၽၼ်း​တီႈ​တူဝ်​ၸဝ်ႈ​ၵဝ်ႇ​ယူႇ​လႂ်၊ ဢွၵ်ႇ​ပဵၼ်​မႃး​ၵႃႈ​ၼိူဝ်​လိၼ်​သေ၊ ဝႃႈ​ၼင်ႇ​ၼႆ​လႄႈ ၸင်ႇ​ပဵၼ်​ၸိူဝ်ႉ​ၼင်ႇ​ၼႆ​ဢေႃႈ။

ၽြႃး​ပဵၼ်​ၸဝ်ႈ​ႁဵတ်း​ပဵၼ်​ၼႃႈ​ၽႃႉ​လႄႈ ၽႄ​ၼမ်ႉ​ဢၼ်​မီး​ၵႃႈ​ၼိူဝ်​ၽႃႉ​တင်း​ၼမ်ႉ​ဢၼ်​မီး​ၵႃႈ​တႂ်ႈ​ၽႃႉ​ၼၼ်ႉ​ဝႆႉ​လႄႈ ၸင်ႇ​ပဵၼ်​ၸိူဝ်ႉ​ၼင်ႇ​ၼႆ​ဢေႃႈ။

လိၼ်​ၼႆႉ​ႁႂ်ႈ​တူၼ်ႈ​ယိူဝ်ႈ​လႂ်၊ တူၼ်ႈ​ၶဝ်ႈ​ဢၼ်​ၸၢင်ႈ​ႁႂ်ႈ​ပဵၼ်​မၢၵ်ႇ​ၶဝ်ႈ​မဵတ်ႉ​ၶဝ်ႈ​လႂ်၊ တူၼ်ႈ​မႆႉ​ဢၼ်​ၸၢင်ႈ​ႁႂ်ႈ​ပဵၼ်​မၢၵ်ႇ​မႆႉ​မၢၵ်ႇ​တွၵ်ႇ​လႄႈ ပႃး​ၸိူဝ်ႉ​ပႃး​ၽၼ်း တီႈ​တူဝ်​ၸဝ်ႈ​ၵဝ်ႇ​ယူႇ​လႂ်၊ ဢွၵ်ႇ​ပဵၼ်​မႃး​ဢေႃႈ။ ၽြႃး​ပဵၼ်​ၸဝ်ႈ​ႁၼ်​လွင်ႈ​တၢင်း​ၼၼ်ႉ​ပဵၼ်​ဢၼ်​လီ​လႄႈ၊

ၼင်ႇ​ၼၼ်​လႄႈ ၽြႃး​ပဵၼ်​ၸဝ်ႈ​ႁဵတ်း​ပဵၼ်​ႁိူၼ်း​ဢၼ်​ႁိူဝ်ႈ​ဢၼ်​လႅင်း​လူင်​သွင်​လုၵ်ႈ​ဢၼ်​ဝႃႈ ဢၼ်​ယႂ်ႇ​လုၵ်ႈ​ၼိုင်ႈ ပုၼ်ႈ​ဢၼ်​တၵ်း​ဢုပ်ႉ​ပိူင်ႇ​ၵႃ​ဝၼ်း၊ ဢၼ်​လဵၵ်ႉ​လုၵ်ႈ​ၼိုင်ႈ ပုၼ်ႈ​ဢၼ်​တၵ်း​ဢုပ်ႉ​ပိူင်ႇ​ၵႃ​ၶိုၼ်း ဢိၵ်ႇ​တင်း​လၢဝ်​တင်း​လၢႆ​သေ​ယဝ်ႉ၊

ၵမ်း​ၼၼ်ႉ ၽြႃး​ပဵၼ်​ၸဝ်ႈ​ဝႃႈ၊​ႁႂ်ႈ​ၼမ်ႉ​ဢၼ်​မီး​ၵႃႈ​တႂ်ႈ​ၵၢင်​ႁၢဝ်​ၼႆႉ​ၸူႉ​ၵၼ်​တုမ်​ၵၼ်​ယူႇ​တီႈ​လဵဝ်​သေ။ ႁႂ်ႈ​ၵုင်း​ပေႃႇ​ဢွၵ်ႇ​သေ၊ ဝႃႈ​ၼင်ႇ​ၼႆ​လႄႈ ၸင်ႇ​ပဵၼ်​ၸိူဝ်ႉ​ၼင်ႇ​ၼႆ​ဢေႃႈ။- ၽြႃး​ပဵၼ်​ၸဝ်ႈ​ႁွင်ႉ​ႁဵၵ်ႈ​ၵုင်း​ၼၼ်ႉ​ၸိုဝ်ႈ​လိၼ်၊ တီႈ​ဢၼ်​ၼမ်ႉ​ၸူႉ​ၵၼ်​တုမ်​ၵၼ်​ၼၼ်ႉ ၸိုဝ်ႈ​ပၢင်ႇ​လၢႆႇ​လႄႈ ၽြႃး​ပဵၼ်​ၸဝ်ႈ​ႁၼ်​လွင်ႈ​တၢင်း​ၼၼ်ႉ​ပဵၼ်​ဢၼ်​လီ​ဢေႃႈ။

ၽြႃး​ပဵၼ်​ၸဝ်ႈ​ပၼ်​တၢင်း​လီ​တီႈ​ၶဝ်​လႄႈ​ဝႃႈ၊ ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​လႄႈ ယႂ်ႇ​ၽႄႈ​ၼမ်​ၵိုၼ်း​တႃႉ။ ႁႂ်ႈ​တဵမ်​ၼမ်ႉ​ပၢင်ႇ​လၢႆႇ​တင်း​လၢႆ​တႃႉ။ ၼူၵ်ႉ​ၵေႃႈ​ႁႂ်ႈ​ယႂ်ႇ​ၽႄႈ​ၼမ်​ၵိုၼ်း​မႃး​ၵႃႈ​ၼိူဝ်​လိၼ်​တႃႉ၊ ဝႃႈ​ၼင်ႇ​ၼႆ​လႄႈ၊

ၵမ်း​ၼၼ်ႉ ၽြႃး​ပဵၼ်​ၸဝ်ႈ​ဝႃႈ၊ လိၼ်​ၼႆႉ​ႁႂ်ႈ​ၵိူတ်ႇ​လဵင်ႉ​သတ်ႉတဝႃႇ ဢၼ်​ဢသၢၵ်ႈ​လိပ်း​ယူႇ၊ မဵဝ်း​လႂ်​မဵဝ်း​ၼၼ်ႉ၊ ဢၼ်​ဝႃႈ တူဝ်​ယဵၼ်ႇ​တူဝ်​ငႄႈ​လႂ်၊ တရိၵ်ႈသၢၼ်ႇ​ဢၼ်​ၸၢင်ႈ​ၵႂႃႇ​ၸၢင်ႈ​ၵၢၼ်း​လႂ်၊ တူဝ်​ႁၢႆႉ​လႂ်​မႃး​သေ၊ ဝႃႈ​ၼင်ႇ​ၼႆ​လႄႈ ၸင်ႇ​ပဵၼ်​ၸိူဝ်ႉ​ၼင်ႇ​ၼႆ​ဢေႃႈ။

ၵမ်း​ၼၼ်ႉ ၽြႃး​ပဵၼ်​ၸဝ်ႈ​ဝႃႈ၊ ၼမ်ႉ​ၼႆႉ​ႁႂ်ႈ​ၵိူတ်ႇ​လဵင်ႉ​တရိၵ်ႈသၢၼ်ႇ​ဢၼ်​ဢသၢၵ်ႈ​လိပ်း​ယူႇ​လႄႈ ၸၢင်ႈ​တူင်ႉ​ၸၢင်ႈ​ၼိုင်​ယႂ်ႇ​ယႂ်ႇ​ၼမ်​ၼမ်​မႃး​သေ။ ၼူၵ်ႉ​ၵေႃႈ​ႁႂ်ႈ​မိၼ်​ၵႃႈ​ၼိူဝ်​လိၼ်​မိူင်း​ၼႂ်း​ၼႃႈ​ၽႃႉ​ၵၢင်​ႁၢဝ်​သေ၊ ဝႃႈ​ၼင်ႇ​ၼႆ​ဢေႃႈ။

ၼင်ႇ​ၼၼ်​လႄႈ ၽြႃး​ပဵၼ်​ၸဝ်ႈ​ႁဵတ်း​ပဵၼ်​တူဝ်​ႁၢႆႉ​မဵဝ်း​လႂ်​မဵဝ်း​ၼၼ်ႉ၊ တူဝ်​ယဵၼ်ႇ​တူဝ်​ငႄႈ​မဵဝ်း​လႂ်​မဵဝ်း​ၼၼ်ႉ၊ တရိၵ်ႈသၢၼ်ႇ​ဢၼ်​ၸၢင်ႈ​ၵႂႃႇ​ၸၢင်ႈ​ၵၢၼ်း​ၵႃႈ​ၼိူဝ်​လိၼ် မဵဝ်း​လႂ်​မဵဝ်း​ၼၼ်ႉ​လႄႈ ၽြႃး​ပဵၼ်​ၸဝ်ႈ​ႁၼ်​လွင်ႈ​တၢင်း​ၼၼ်ႉ ပဵၼ်​ဢၼ်​လီ​ဢေႃႈ။