Popular Bible Verses from KARARIADI 15

ಶೇರ್

I Abram nangimang su MAWU, dang ual᷊ingu e'e MAWU nanarima si sie kere singkatau ko makal᷊uasi naung-E.

Bou e'e i Abram nanarima kawawua, dang nakaringihi MAWU nuhengetang si sie, “Abram, kumbahang mataku, Ia sarung manirung si kau bou silaka, dang mangonggo wawal᷊isi ko l᷊abo si kau.”

MAWU numbawa si Abram sarang l᷊ikuri bou e'e, “Tuhungeko l᷊angi, dang kenangko rekeng manga wituing, i kau sarung makahombang hintou ngu ul᷊ie kere wituing e'e.”

Bou e'e i Abram sau nakaringihi MAWU nuhengetang si sie, “Wal᷊ingewe l᷊ang u ko sarung mamusaka rarotong u e'e, kateho ko ana u sisane ko ese.”

MAWU nuhengetang si sie, “Tinaungete, hintou ngu sarung makoa tau raghi su wanua ko wal᷊inge; i sire sarung makoa l᷊ang pai se'e dang sarung sirakeng pauhasu su taunge.

Arawe i Abram nangul᷊i, “MAWU Ko Karangetange, MAWU ta nangonggo u ana si sia. Taumata ko sarung mamusaka rarotongku kitang i Eliezer, l᷊angku bou Damsyik. Inau apawe gunange MAWU mangonggo u wawal᷊isi si sia?”

Su tempo e'e l᷊ai MAWU nukoa pudadiandi dingang i Abram. Angkung u MAWU, “Ia mudiandi sarung mangonggo su hintou ngu kal᷊abo u tana i'i, manita bou pusarang dingang u wanua ngu Mesir murating sarang sal᷊uhi Efrat

Murating sarang pa u hintou, ana pung u mbuhue sau musul᷊e sarang tampa i'i, ual᷊ingu Ia ta sarung manguseri tau Amori suhoro i sire makoa kere'e kal᷊al᷊aie hakiu mambeng ihukung.”