Popular Bible Verses from मत्ति 5

ಶೇರ್

अनि लोकुरक टिवरि पयटे किसुन दळिया अडिय इरोर मति अदेन कोपेलातिगा इरान्तोरक। असके अदेनते लोतोर सबोय लोकुरकुन वेळिचि अवान्ता। अदामे दुसरो लोकुरक मिया सोबाय बुतोतुन हुळसुन स्वरगतिगा मन्तोर मिया बाबोना महिमा केविर इन्जोर मिया वेळिचि मानेयकना मुने मान्जि।”

निमाट दुनियाता वेळिचि आन्दिट। मटा पोरो उदिता मन्ता सहेर मकिला परो।

मन शुद्ध मन्ता ओर लोकुरक धन्य मन्तोरक बाक्याकि ओरक परमेस्वरतुन हुळानुरक।

आपुना मेन्दुल साटि करवस्ता अनि एर उन्डावसता लेहका परमेस्वरना मुने येताना योग्य बुतो कियान साटि पकाय विचार किन्तोर ओर लोकुरक धन्य मन्तोरक बाक्याकि ओरक संतुष्ट आयनुरक।

मति नना ते मिकुन इन्तोना, आपुनोर दुश्मनतुन मया किम्ट अनि आपुनतुन सतेह केवालोर साटि प्रार्थना किम्ट।

येसु इतुर, “मन्दे गरिब मन्तोरक ओर लोकुरक धन्य मन्तोरक बाक्याकि स्वरग राज्य ओराय मन्ता।

लोकुरकुन मेल मिलेह किस दरतितिगा शान्ति बनेकेवाल ओर लोकुरक धन्य मन्तोरक बाक्याकि ओरकुन परमेस्वरनोर बालक इन्दानुरक।

दुःख किन्तोरक ओर लोकुरक धन्य मन्तोर बाक्याकि ओरकुन शान्ति पुटार।

परमेस्वरना मुने येताना योग्य बुतो कियानाता कारण पकाय तकलिप सहेन किन्तोरक ओरक धन्य मन्तोरक बाक्याकि स्वरग राज्य ओराय मन्ता।

दया केवाल लोकुरक धन्य मन्तोरक बाक्याकि ओरकुन परमेस्वर दया कियानुर।

नावा पोल्लो मानेमान्तोर ओद कारणते मानेय मिकुन अपमान कियानुरक अनि पकाय तकलिप हियानुरक अनि मिया विरोदते सबोय प्रकारता खराब पोल्लोंग खोटाल इन्दानुरक असके निमाट धन्य मन्तोरिट। स्वरगतिगा मिया प्रतिफळ पकाय हजोर मन्ता इन्जोर पकाय गिरदा किम्ट। ओरक मिया मुने मतोर ओरक परमेस्वरना पोल्लो वेहवालोकुरकुन वने इदे रितिते पकाय तकलिप किस मतोर।”

नम्र मन्तोरक ओर लोकुरक धन्य मन्तोर बाक्याकि ओरक दरतिता वारिस आयनुरक।

येसु असा ओरकुन इतुर, “निमाट दरतिता हवोर आन्दिट, मति हवोरता स्वाद बिगळेमात ते अदेन असा बोद चिजते हवोरता स्वाद बनेकियाकिट? अदेन बाहरो हरचियानुर अनि मानेयक अदेन ओवकानुरक दुसरो बोदे बुतोता आय परो।

इन्जोर मिवोर स्वरगतोर बाबो परिपूर्ण मन्तोर अदाम लेहका निमाट वने सबोय रितिते परिपूर्ण बनेमाम्ट।”

मति मियांग पोल्लो इंगो ते इंगो या आयो ते आयो मनिंग बाक्याकि बारायि इदेनते पकाय आन्ता ओद खराब केवाल सयतानताल वान्ता।”

येसु असा ओरकुन इतुर, “ ‘कोन्डाता बदला कोन्डा, अनि पलदा बदला पल’ इन्जोर निमाट केन्जतोरिट। मति नना ते मिकुन इन्तोना खराब मानेयना विरोद केमाट; बोरायि निया तिन्दानबासाडा कोरवितिगा हेविर ते ओना मुने दुसरो कोरवि वने किम।

निया तिन्दानबासाडा कोन्डा निकुन पाप कियाना कारण आयि ते अदेन टन्डस हरचिम; बाक्याकि निया सबोय मेन्दुल नरकतिगा हरचियानाताल निया मेन्दुलतिगाडाल उन्दि मेन्दुल नाश आयाना मिया साटि सोबाय मन्ता। निया तिन्दान कय निकुन पाप कियाना कारण आयि ते अदेन कदियस हरचिम, बाक्याकि निया सबोय मेन्दुल नरकतिगा हरचियानाताल निया मेन्दुलतिगाडाल उन्दि मेन्दुल नाश आयि ओद निया साटि सोबाय मन्ता।”