Popular Bible Verses from Matiye 13

ಶೇರ್

Kandə kər gə um dɔ nangə gə may gə le to dəw gə tuga mbi-a o ne tar lə Luba ngaɓa gərə gəl-e. Kand-ɛ gə kara andə tɔl, ye gə ɗangə dɔg misa̰, ngaɓa ye gə ɗangə andə dɔg munda.

Kandə kər gə um mə kunje gə le nay ɗəw kara baa gə dəw gə tuga mbi-a o ne tar lə Luba, ngaa no rɔ gə ɔji dɔ kəji neje gə nangə nee, gə ɓo nekingaje, ɗe udu dɔ tar lə Luba gə n-o le ngaɓa ɗa ar kand-e godo.

Kandə kər gə um mbɔr ɗəw boo njal-njal le, to dəwje gə ꞌtuga mbi-je d-o ne tar gə ɔji dɔ ɓeko̰ ɗaa ꞌgərə gəl-e ang. Njeməkṵra̰y ɗe ɔr tar gə ꞌdubu mə-je gə le ɗɔdə.

Dɔ ranga to asə naa gə dəw gə o tar ɗaa ta gə tɔg-ɛ baa gə rɔləl, ngaa tar le ula ngira-a m-e gə gə maj-ɛ ang, to dəw gə m-e to dɔ tar waga baa, a ɓo lo gə kula kəm naa ndoo ose nekəmandoo gə ɔji dɔ tar lə Luba ce dɔ-ɛ gə nama ꞌmbadə takagə lə-a.

Ɓeko̰ gə dara le to asə naa gə nekinga gə iya rɔ-ɛ mə ndɔ gə. Dəw gə inga ne le ɗaa un iya to gə ɗangə, rɔ-ɛ ləl-e ya̰ ar n-ɔdə n-aw n-uwa neje lə-a tɔ̰y n-ndogo ngaɓa n-ta lar-ɛ n-aw n-ndogo ne ndɔ nee le.

Mar-ɛje gə kɛm um dɔ nangə gə may gə, ɔr dɔ, ɗaa dɔ-ɛ gə kara unda kand-e tɔl, ye gə nee unda dɔg misa̰, ye gə ɗangə unda dɔg munda.

Iya̰-je ar-je tɔgə naa gə kara baa ɗaa, ndɔ kunja ko ɓa m-a pa kar njekunjaje d-ɔr waa da̰w le ꞌtɔ mba ro nam ngaɓa, go-e gə ɗaa d-a kiya̰ wa gə may kum mə dam gə lə-m.