Popular Bible Verses from Ima̍tiyu 7

ಶೇರ್

“Chikpo̍ yī ɔjā gɛ, ma̍a a ge̍ē nāa! Gāla̍ gɛ, ma̍a a ge̍ē ma̍! De abɔ̄ ku ɔpu gɛ, ma̍a o̍ ge̍ē lwāa ē de wɔ!

Wu̍chē oji̍ nɛ, ɔ̄chɛmɔ̄chɛ nīi ge̍ chikpo̍ yī ɔjā, o̍ ge̍ē nāa. Ɔ̄chɛ nīi ge̍ gāla̍ ɔjā, o̍ ge̍ē ma ɔ̄. Ɔ̄chɛ nīi ge̍ chī de abɔ̄ ku ɔpu, e̍ ge̍ē lwāa anu̍ ē de ɔlɔjā.

“O̍ lɛ i̍ngɔ̍ɔ ma̍, ɔ̄chɛmɔ̄chɛ nīi ge̍ plɛ̍ɛ̄lā yī u nūma̍, ya̍ lɔkɔ nīi n ka ma̍, ɔlɔjā ge̍ē lɛ bāa ɔngrɔ̄ɔ ɔjyɛ̍ɛ̄lā nīi gwo̍ wɔlɛ̍ yī nū che la ichō yī lɛchɔ̄ ɔlwɔhɔ̍hu̍ ma̍.

“Ala̍ ā yɛ̍ɛ̄lā de āchɛ lɔkɔ nīi ala̍ chikpo̍ ka āchɛ ɔ̍lɔ ge̍ ya̍ de ala̍ ma̍. Ochi̍chi̍ yī Lihɔ yī Imo̍sīisi ba̍la lɛlā nīi āchɛ ɔkɛrɔ̄ yī Ɔwɔ ngū āchɛ ma̍ hɔ̄ aa̍ a̍nɛ.

Oko̍no̍grīgba nīi lɛ fi̍ye̍e̍, nīi ɔpɔ̄pū yī nū lichi̍chi̍ ma̍ anu̍ - iyī ɔhɔ̄leyī a̍nɛ. Āchɛ kplɛ̄ɛ̄ chī ma̍ ɔ̄ a̍nɛ.

“Ala̍ ga la oko̍no̍grīgba nīi lɛ fi̍ye̍e̍ ma̍. Wu̍chē oji̍ nɛ, oko̍no̍grīgba nīi lɛ grogbo, nīi ɔpɔ̄pū yī nū lɛnyɛnya la ɔgɔ̄ga ma̍ - iyī ayekū oli̍gba̍o̍ nɛ. Āchɛ yɛ̄mɛ̄mɛ̄ pɛ̍ ga abɔ̍ɔ la anu̍ a̍nɛ.

Ala̍ nīi - āchɛ ɔdwɔ̄bi̍ ma̍ je̍ ɔjā ɔnɛ̄ɛhɛhi la odōde de ayi̍ yī ala̍! Āchɛ ge̍ chikpo̍ yī ɔjā bū la abɔ̄ yī Ɔwɔ A̍dā yī ala̍ nīi hɔ̄ la ichō ma̍, o̍ ē de ɛjā ɛnɛ̄ɛhɛhi ē de wa̍ kana̍ ma̍ ēēe!

“A ā de lɛpɔ̄ ku̍ ɔ̄chɛ ni̍, hɛ̄ɛbɛ nīi Ɔwɔ ge̍ e̍e de lɛpɔ̄ ku̍ wɔ ni̍. Wu̍chē oji̍ nɛ, lɔkɔ nīi a de lɛpɔ̄ ku̍ ɔ̄chɛ ma̍, i̍ngi̍ngɔ̍ɔ nīi Ɔwɔ ge̍ē de ē ku̍ wɔ a̍nɛ. Lɔkɔ nīi a ge̍ē miya ɔjā de ɔ̄chɛ ma̍ i̍ngi̍ngɔ̍ɔ nīi o̍ ge̍ē miya ē de wɔ a̍nɛ.

“Ɔ̄chɛmɔ̄chɛ nīi ge̍ chī plɛ̍ɛ̄lā yī u nūma̍ nīi i̍ ge̍ chɛ̄ ya̍ lɔkɔ nīi n ka ma̍ ni̍, ɔlɔjā ge̍ē lɛ bāa oli̍bobo ɔha̍ nīi gwo̍ wɔlɛ̍ yī nū che la ichō yī wɔjɛ ma̍.

Ligbo̍ yī ɔchi̍ gbo aa̍ la īkprī yī wɔ, a i̍ ho̍ko̍o tū ɔ̄ ni̍; ohu̍ yī oji̍ nīi a chōo̍chē ma̍ īwī ɔbɔbɔ nīi tū la īkprī yī ɔ̍nyīmɔ̄chɛ yī wɔ ma̍/? Kana̍ nīi a ge̍ē mlɔtū da ɔ̍nyīmɔ̄chɛ yī wɔ ka ɔ̍lɔ ge̍ kɔ̍ɔ̄ nīi aɔ̍lɔ ge̍ wu̍ īwī hī ɔ̍lɔ īkprī ma̍, nīi ligbo̍ yī ɔchi̍ chī e̍e gbo abɔ̍ɔ la īkprī yī awɔ ɔlɔjā ma̍?

“Ala̍ ā deyīrɛ yī alarīmɛ̄ ɛha̍ nīi ē wā dikpo̍ba̍ ala̍ ka aɛ̍lɛ - āchɛ ɔkɛrɔ̄ yī Ɔwɔ nɛ ma̍. A ge̍ ma̍ wā lɛ yɛchɛ ji, e̍ lɛ bāa anyīyɛrɔ̄ ma̍, abɔ̍ɔ lipu̍ yī wā - ɛbɛ̍ ɔkwɔ̍ɔ̄chɛ ke̍e̍ nɛ. Bū lɛlā nīi e̍ ē ya̍ ma̍ nīi ala̍ ge̍ē bī je̍ wa̍ a̍nɛ. Wu̍chē oji̍ nɛ, ɛkwɔ i̍ ē wa̍ īkpō yī oromu̍ ni̍; ɔkpa̍chichi̍ i̍ ē chī wa̍ īkpō yī ejū ni̍.

Ɔchi̍ ohiyē wa̍ īkpō ɔnɛ̄ɛhɛhi; ɔchi̍ nīi gbi̍tɛ̄ ma̍ ē wa̍ īkpō ɔdwɔ̄bi̍ a̍nɛ.

Ɔchi̍ nīi hiyē ma̍ i̍ ē wa̍ īkpō ɔdwɔ̄bi̍ ni̍, onīi gbi̍tɛ̄ ma̍ i̍ ē chī wa̍ īkpō ɔnɛ̄ɛhɛhi ni̍.

Ɔchi̍ nīi i̍ ge̍ wa̍ īkpō ɔnɛ̄ɛhɛhi ni̍, e̍ ē de ɔ̍ ē hɛ̍ tāajɛ, kpo̍ ɔ̄ tū ɔla̍.