Popular Bible Verses from लूका 3

ಶೇರ್

जेलम पर्नासे आघ, यूहन्‍ना मनैन बप्‍तिस्‍मा देहबेर, येशू फे बप्‍तिस्‍मा लिह अइल। बप्‍तिस्‍मा लिहबेर, येशू परमेश्‍वरसे प्रार्थना करटलह। तब स्‍वर्ग उघ्रल ओ पवित्र आत्‍मा ढुकुरक रूपम उहाँकम अइलन। तब स्‍वर्गसे असिन आवाज आइल, “टुँ म्‍वार प्रिय छावा हुइटो। मै टुँहीनसे धेर खुशी बाटुँ।”

तब यूहन्‍ना हुँकन कल, “मै त पानीक बप्‍तिस्‍मा देठुँ। तर महीसे शक्तिशाली एक जन अइटीबाट। मै त उहाँक जुत्तक टेनी छोर्ना योग्यक फे नैहुइटुँ। उहाँ टुँहन पवित्र आत्‍मा ओ आगीले बप्‍तिस्‍मा देहहीँ।

टुन्‍हक पापी मन परिवर्तन हुइलक प्रमाण टुन्‍हक्‍के जीवन ह्‍वाए। तर ‘हम्र अब्राहामक सन्‍तान हुइटी’ कटिम टुह्र उम्‍क पैबी कैक जिन सोँचो। मै टुँहन कहटुँ, परमेश्‍वर यी पत्‍थ्रमसे फे अब्राहामक लाग सन्‍तान उत्‍पन्‍न करसेक्‍ठ।

रूख्‍वक जरीम कुह्रार परस्‍याकल। उहओर्से असल फारा नैफरैना सब रूख्‍वा ढलाजाई, ओ आगीम फाँकजाई।”

असिक अगमवक्ता यशैयक लिखल यी बात पूरा हुइल्: “उजार ठाउँम चिल्‍ला-चिल्‍लाक बोलुइयक आवाज सुन्‍जाइटा, ‘प्रभु आइक लाग उहाँक मार्ग तयार पारो, उहाँक डगर स्‍वाझ बनाओ। सब गञ्‍ज्रीगुञ्‍ज्रा भाँठ परी ओ सब पख्वापर्वत्वा सम्याइ परी। टेँह्रिबाङ्‌गा डगर स्‍वाझ ओ अरबर डगर रग्‍रगाँट्‍ बनाइ परी। तब सब मनै परमेश्‍वरक देहल मुक्ति देखहीँ।’”