Popular Bible Verses from KƐWALIW 1

ಶೇರ್

Nga ni Nii Senuman jigira aw kan tuma min na, aw bɛna fanga sɔrɔ ka se ka ne ka koow fɔ Zeruzalɛmu, ni Zude mara bɛɛ la, ani Samari mara la, fɔɔ ka taa se dinyɛ faan bɛɛ la.”

A y'u jaabi ko: “O masaya nin koo nyanabɔli t'aw ka sira la, o koow bɛ n Faa kelenpe le bolo.

K'u to nyɔgɔn fɛ dumuni na loon dɔ, a y'a fɔ u ye k'a gwɛlɛya ko: “Aw kana aw yɔrɔ janya Zeruzalɛmu na, n Faa tun y'a daa di koo min na, aw ye to yen k'o makɔnɔ. Ne tun ye o kuma fɔ aw ye ko Zan ye mɔgɔw batize ni jii ye, nga yan ni tile damani, aw bɛna batize ni Nii Senuman ye.”

Yezu sanin kɔ, ka kunun, a y'a yɛrɛ yira a ka cidenw na cogo caaman ani sinyɛ caaman na tile bi naani kɔnɔ janko u k'a lɔn ko ale tɛ suu ye tugu. A tora n'u ye n'a b'u kalan Ala ka masaya sigiko la.

Yezu y'o kuma nunu fɔ ka ban minkɛ, a kɔrɔ tara u nyakɔrɔ ka taa arijana na. K'u to filɛli la, Sankaba dɔ donna u cɛ k'a dogo u la.

K'u nyaa basanin to sankolo la, u barila ka cɛɛ fila dɔ ye u gɛrɛfɛ fanigwɛ tun bɛ minw kaan na. Cɛɛ fila nunu y'u kaan to u ma ko: “Galilekaw! A kɛra di aw lɔnin bɛ ka sankolo filɛ ten? Aw ye Yezu min yɛlɛtɔ ye arijana na dɛ, a bɛna segi ka na ten ka bɔ o yɔrɔ la.”