Popular Bible Verses from Luk 23

ಶೇರ್

Yesu yaagira ati: Taata, obasaasire; tibarikumanya ki barikukora. Bwanyima baabagana ebijwaro bye nibabiteerera enteenyu.

Onu amugarukamu ati: Buzimazima ninkuhamiza, eri izooba noija kuba hamwe naanye omu mwanya gw'obunanukye.

Atyo agira ati: Yesu, ku oraahikye omu bukama bwawe, onyijukye.

Yesu yaagamba n'eiraka rihango ati: Taata, amagara gangye naagata omu mikono yaawe! Ku yaaherize kugamba ekyo, gwahwamu.

Ku baahikire omu mwanya ogurikwetwa Empanga y'Omutwe, baamubambira aho aha musharaba hamwe n'enkozi z'ebibi ibiri, omwe aha rubaju rwe rwa buryo n'ondi aha rwa bumosho.

Eshaaha ya mukaaga ku yaabaire eri haihi kuhika, ensi yoona yaashwekwa omwirima, eizooba ryabura kwaka okuhitsya aha shaaha ya mwenda. Omukingo gwa Nyaruju gwatemukamu emitanda ebiri.

Omukuru w'abaserukare igana, ku yaareebire ekyabaho, yaahimbisa Ruhanga naagira ati: Buzimazima ogu muntu abaire ari ohikiriire!