Popular Bible Verses from लूका 6

ಶೇರ್

दूज्जेयां जो देया करो, तां तुसा जो भी दित्तेया जाणा, मणूआं ने पूरा नाप्पी करी अते जिक्की-जिक्की करी ते हिलाई-हिलाई करी अते उछलदा-उछलदा तुसा री खोख्खा बिच पाणां, किजोकी जिस नाप कने तुसा नापदे, तिस्सी नाप कने तुसा तांइ भी नाप्पेया जाणा

खरा मणू अपणे ठीक मन का ठीक गल्लां ही कडदा, ते बुरा मणू अपणे बुरे मन का बुरी गल्लां ही कडदा किजोकी जिन्हा गल्लां कने तिसेरा मन भरितेरा हुन्दा, तिन्हा ही गल्लां जो मुँह पर लियान्दा

पर तुसा अपणे दुश्मणा कने भी प्यार करो, अते भलाई करो, ते जे कुसकी जो उधार दित्ते रा हो, तां फिरी दुबारा वापस लैणे री भाल मत करो, इय्यां करगे तां परमेश्वर रे पास्से का तुसा जो स्वर्ग बिच इक्क बड्डा ईनाम मिलणा, ते तुसा परमप्रधान परमेश्वर री सन्तान होई जाणा, किजोकी परमेश्वर तां इतणे दयालू हिन कि से तिन्हा मणूआं पर भी अपणी कृपा दृष्टि बणाई रखदे जे परमेश्वर रा शुकर नी करदे अते बुरे हिन।

जिय्यां तुसा रा स्वर्ग अन्दर वाला पिता परमेश्वर रहमदिल है, तिय्यां ही तुसा भी रहमदिल बणो।

कुसकी पर इल्जाम मत लाओ, ताकि हिसाब-किताब रे बेल्ले तुसा पर भी इल्जाम नी लगाये जाये दूज्जेयां जो कसुरवार मत समझो, ताकि तुसा भी कसुरवार नी समजे जाओ पर, दूज्जेयां जो माफ करी देया करो, तां तुसा जो भी माफ कित्ता जाणा।

पर मैं तुसा सबणी सुनणे वालेयां जो बोलदा, कि तुसा अपणे दुश्मणा कने भी प्यार कने रेया करो जे तुसा कने नफरत करदे, तिन्हेरा भला करो। जे मणू तुसा जो धिक्कार देंन, तिन्हा जो तुसा आशीष देया करो, जे तुसा री बुराई करदे, तिन्हेरे तांइ प्रार्थना करेया करो

जिय्यां तुसा चाह्‍ंदे कि मणू तुसा रे कने करो, तिय्यां ही तुसा भी तिन्हा कने करो

जे तुसा री खाड्डी रे इक्क पास्से चन्ड्ड मारो, तां तिसेरे अग्गे दूजी खाड्डी भी करी देयो ते जे कोई तुसा का तुसा रा सोल खुस्सि लेयो, तिसजो अपणी कमीज भी लैणा देयो जे कोई तुसा का किच्‍छ भी मन्गे तिसजो देयो, अते जिनिए तुसा री कोई चीज लित्ते री ए तां उस का मंगो मत

किजोकी कोई भी खरा बूट्टा नी जिस बिच बुरे फल्ल लगदे हो, अते ना कोई बुरा बूट्टा ए जिस बिच खरा फल्ल लगदा हो।

हर इक्क बूट्टा अपणे फलां रे जरिए ही पछियाणेया जान्दा किजोकी मणू कन्डे वाली झिल्लां का अंजीर अते ना ही ते झड़बेरी का अंगूर खून्डदे