Popular Bible Verses from लूका 11

ಶೇರ್

बुरे स्वभाव रे मणू हुन्दे-सुन्दे भी तुसा जो पता है कि अपणे बच्चेयां जो ठीक चीजां किय्यां दित्ती जान्दी, तां अवे तुसा अप्पु सोच्चो कि असा रा स्वर्ग अन्दर रैह्णे वाला परमेश्वर अपणे मंगणे वालेयां जो खुसी कने पवित्रात्मा किजो नी दिंगा

ते मैं इधेरे तांइ मैं तुसा जो बोलदा कि तुसा मंगगे तां तुसा जो दित्तेया जाणा तोपगे तां से मिल्णा अते खटखटाँदे रैह्न्गे तां तुसा तांइ दुआर खोली दित्ते जाणे

किजोकी हर इक्क मणू जे मंगदा, तिसजो मिली जान्दा जे तोपदा से तिसजो पाई लिंदा अते जे खटखटांदा ही रैहन्दा तिसेरे तांइ दुआर खोल्ली दित्तेया जाणा।

तिन्हा ने तिसजो बोल्लेया, ठीक है, तां प्रार्थना करदे बेल्ले इय्यां बोल्लेया करो ओ असा रे पिता जी, तुसा रे नां जो पवित्र मन्यान जाये, तुसा रा राज इस दुनिया पर आई जाओ।

ते असा रे पाप्पां जो तुसा माफ करी देयो, किजोकी, असी भी अपणे गुनेह्गारां जो माफ करदे, ते असा जो परखीह्णे का बचाई लेयो।

असा री रोज री रोट्टी असा जो देया करो

हाख्खियां मणू रे सरीर रे दीये सांई हुंदी, इधेरे तांइ जे अगर तेरी हाख्खी साफ है तां तेरा पूरा सरीर भी लौ कने चमकदा होणा पर जे अगर से बुरी हिन तां तेरा पूरा सरीर न्याहरा है।

कोई भी मणू दीय्या बाली करी तिसजो लुह्काई करी या भान्डे अन्दर पाई करी नी रखदा, पर ऊच्ची बखारी पर रखदा ताकि इणे-जाणे वाले जो लौ मिल्दी रेयो।