Popular Bible Verses from यूहन्ना 4

ಶೇರ್

परमेश्वर आत्‍मा है इधेरे तांइ जरुरी है कि तिसेरी अराधना करणे वाला आत्‍मा ते सच्चाई कने अराधना करे।

पर से बेल्ला आणे वाला है हालांकि अब्बे भी है जिस बिच सच्चे भक्त बाबे री भक्ति आत्‍मा कने सच्चाई कने करणी किजोकी बाबा अपणे तांइ इदेए भक्तां जो तोपदा

पर जे कोई तिस पाणी बिच का पिन्गा, जे मैं तिसजो दैणा, तिसजो फिरी कदी भी प्यास नी लगणी पर जे पाणी मैं तिसजो दैणा, तिसेरा उस मणू अन्दर इक्क सोता बणी जाणा जे हमेसा तिकर रैह्णा।

यीशु ने जवाब दित्ता, जे तू परमेश्वर रे वरदान जो जाणदी जे से तिज्जो दैणा चाह्‍ंदे, कने ए भी नी जाणदी कि से कुण है जे तिज्जो बोलदा, मेरे जो पाणी पिया, तां तू तिसका मंगदी कने से तिज्जो जिन्दगी रा पाणी दिंदा।

यीशु ने तिन्हा जो बोल्लेया, मेरी रोट्टी से है कि परमेश्वर जिन्हा ने मेरे जो भेज्जे रा है, तिन्हेरी मर्जी रे हिसाब कने चलां ते तिसेरा कम्म पूरा करां।

जनानी ने तिसजो बोल्लेया, ओ प्रभु तेरे का तां पाणी भरणे तांइ किच्‍छ है भी नी कने कुआँ डुग्गा है, तां सेह़ जिन्दगी रा पाणी तेरे का कुत्ते का आया?

जनानी ने तिसजो बोल्लेया, मैं जाणदी कि मसीह जे ख्रिस्त है, आणे वाला है, जिस बेल्ले तिसने आणा तां सारी गल्लां असा जो दसणियां। यीशु ने तिसजो बोल्लेया मैं जे किच्‍छ तेरे कने बोल्लेया करदा है, मैं से ही ए।

आओ कने इस मणू जो दिखो जिस ने सारा किच्‍छ जे मैं अपणी जिन्दगी बिच कित्ते रा थिया मेरे जो दस्सी दित्ता, कुत्ते ए ही तां मसीह नी है?