Popular Bible Verses from यूहन्ना 21

ಶೇರ್

रोट्टी खाणे का बाद यीशु ने शमौन पतरस जो बोल्लेया, ओ शमौन, यूहन्ना रे पुत्तर, कै तू इन्हा सारेयां का बधी करी मेरे कने प्यार रखदा? पतरस ने तिन्हा जो बोल्लेया, हाँ प्रभु, तुसा तां जाणदे ही कि मैं तुसा कने प्यार करदा। तिन्हा ने तिसजो बोल्लेया, मेरी शिक्षा पर चलणे वाले लोक्कां जो उरणू सांई चरा। तिन्हा ने फिरी दूज्जी वरी तिसजो बोल्लेया, ओ शमौन, यूहन्ना रे पुत्तर, कै तू मेरे कने प्यार करदा? तिन्ने तिन्हा जो बोल्लेया, हाँ प्रभु, तुसा तां जाणदे हिन कि मैं तुसा कने बड़ा प्यार करदा। तिन्हा ने तिसजो बोल्लेया, मेरी शिक्षा जो मनणे वाले लोक्कां जो भेड़ां सांई सम्भाल। तिन्हा ने तिज्जी वरी तिसजो बोल्लेया, ओ शमौन, यूहन्ना रे पुत्तर, कै तू मेरे कने प्यार रखदा? पतरस उदास होई गेया कि यीशु ने तिसका तिज्जी वरी इय्यां बोल्लेया कि, कै तू मेरे कने प्यार रखदा? अते तिसने बोल्लेया, ओ प्रभु जी, तुसा तां सब किच्‍छ जाणदे तुसा जाणदे हिन कि मैं तुसा कने प्यार रखदा यीशु ने तिसजो बोल्लेया, मेरी शिक्षा जो मनणे वाले लोक्कां जो भेड़ां सांई चरा।

मैं तेरे कने सच-सच बोलदा, जां तू जुआन थिया तां तैयार होई करी जित्ते चाह्‍ंदा थिया तित्ते चली जांदा थिया पर जां तू बूड्डा होणा तां तू अपणे हत्थ पसारणे, अते दूज्जे ने तिज्जो तैयार करी के जित्ते तू नी चाह्‍ंदा तित्ते तिज्जो लेई जाणा।

यीशु ने उन्हा जो बोल्लेया, किस्ती रे सज्जे पास्से जाल पाओ तां किच्‍छ मिलणा इधेरे तांइ तिन्हा ने जाल पाया पर मच्छियाँ जादा होणे री वजह कने तिन्हा का जाल खिच्ची नी होया

शमौन पतरस ने तिन्हा जो बोल्लेया, मैं मच्छी पकड़ने चलया तिन्हा ने तिसजो बोल्लेया, असी भी तेरे कने चलदे अते से निकली करी किस्ती पर चढ़ी गे, पर तिस राती किच्‍छ भी नी पकड़या