Popular Bible Verses from मत्ती 12

ಶೇರ್

कने मैं तुहां नैं सच्च ग्लांदा ऐ, कि जेह्ड़ियां-जेह्ड़ियां बुरिआं गल्लां माणु ग्लांगे, न्याय दे दिन हर इक्की गल्ला दा लेखा दिंगे। क्जोकि परमात्मा तेरियां गल्लां दिया बज़ाह ते जेह्ड़ियां तू ग्लांदा ऐ, तिज्जो बेकसूर कने अपराधी ठैहरांगा।”

हे सर्पां साइआं जेहरिलै लोको, तुहां बुरे होई नैं किंआं खरियां गल्लां ग्लाई सकदे हन, क्जोकि जेह्ड़ा मने च भरोया ऐ, सैई मुँऐ पर ओंदा ऐ।

इक्क खरा माणु खरे मने दे भण्डारे ते खरियां गल्लां कड्डदा ऐ, कने बुरा माणु बुरे भण्डारे ते बुरिआं गल्लां कड्डदा ऐ।

इसतांई मैं तुहां नैं ग्लांदा ऐ, कि माणु दे हर किस्मां दे पाप कने निंदा माफ कित्ती जांगी अपर पवित्र आत्मा दी निंदा माफ नीं कित्ती जाणी ऐ।

“जे रूखे जो खरा ग्लांदे हन, तां तिसदे फल़े जो भी खरा ग्ला, या रूखे जो नकम्मा ग्लांदे हन, तां तिसदे फल़े जो भी नकम्मा ग्ला; क्जोकि रूखे दी पणछैण तिसदे फल़े ते ई हुंदी ऐ।