Popular Bible Verses from यूहन्ना 16

ಶೇರ್

“मैं ऐ गैला तुसाबै तैबै बोली कि तुसाबै मेरी बजहा न शान्ति मिलली। ऐसा दुनिया न तुसाबै दुःख होआ सा, पर मजबूत बणिया रौहा, मैं ता दुनिया रा अधिकारी मतलब शैतान न ज़ीत पाई सा।”

पर ज़ैबै सौ मतलब सच़ाई री आत्मा एली, ता तुसाबै सारी सच़ाई री बौत दसणी, किबैकि तेइयै आपु धिरै न नैंई बोलणा होर ज़े किछ़ शुणा सा सौऐ बोलणा होर ऐणु आल़ी गैला तुसाबै दसणी।

ऐबै तैंईंयैं तुसै मेरै अधिकारा न किछ़ भी नैंई मौंगु, मुँगलै ता पाणा, तैबै तुसरी खुशी पूरी होंणी सा।

तैबै भी हांऊँ तुसाबै सच़ बोला सा, कि मेरा ज़ाणा तुसरी तैंईंयैं खरा सा, किबैकि हांऊँ नी जाला ता तेई मज़द केरनु आल़ै तुसा हागै बै नी ऐणा। पर अगर हांऊँ जाला ता, सौ मज़द केरनु आल़ै तुसा आगै बै भेजणु। तेई एज़िया पापा री सच़ाई होर परमेश्वरा रै धर्म होर न्याय रै बारै न ऐई दुनियां रै लोका बै रिहाणा।

तैण्ढी धिरै तुसाबै ऐबै दुःख होंणा, पर मूँ तुसा सैंघै होरी घेरै मिलणा होर तूसरा मन खुशी सैंघै भौरिणा सा, होर तुसरी खुशी कोई भी तुसा न नैंई छीनणी सा तेई रोज़ तुसा मूँ न किछ़ नैंई पुछ़णा। हांऊँ तुसाबै सच़-सच़ बोला सा अगर बापू न तुसै मेरै अधिकारा न किछ़ मौंगलै, ता तेई तुसा बै देणा।

हांऊँ तुसाबै सच़-सच़ बोला सा; कि मेरै मौरनै न बाद तुसा रोणां होर लेरा मारै केरनी सा, पर दुनिया रै लोका खुशी मनाणी, तुसाबै दुःख होंणा सा, पर तुसरा दुःख सुखा न बदलीणा सा, ज़ैबै मूँ ज़िन्दा वापस ऐणा।