Popular Bible Verses from मत्ती 25

ಶೇರ್

“ता राजै तियां जो जवाव दिणा, ‘अऊँ तूसु सोगी सच बलदा कि तुहै जैड़ै मेरै ईयां हल्कै थऊँ हल्कै विस्वासी भाई सोगी कसकि अक्की सोगी भी करूरा हा, सो मिन्जो सोगी ही करूरा।’ ”

तसेरै मालकै तैस सोगी बल्लू, ‘धन्य, हा खरै अतै विस्‍वासा लायक दास, तू थोड़ै मन्ज भी विस्वास लायक बणी रैऊआ; मुँ तिजो बड़ी चिजा रा अधिकारी बणाणा।’ मिन्जो सोगी ईच्ची करी खुशी मना।”

क्ओकि जैड़ा मेरी शिक्षा जो हुणदै अतै समझदै हिन तियां जो होर समझ दिणिआ, पर जैड़ी ना हुणदै ता तियां बलै जैड़ी समझ हा सो भी तियां थऊँ लेई लैणीआ।

“ठेरैतांये जागदै रेय्आ, क्ओकि तुहै मेरै दोबारा फिरी करी ईणै रै तैस दिन, अतै तैहा घड़ी जो ना जाणदै।”

क्ओकि अऊँ भूखा थू, अतै तुहै मिन्जो खाणै जो दिता; अऊँ त्रिहणा थू, अतै तुहै मिन्जो पाणी पिआऊ; अऊँ परदेसी थू, ता तुहै मिन्जो अपणै घरा मन्ज रैहणा दिता।

तसेरै मालकै तैस सोगी बल्लू, ‘धन्य, हा खरै अतै विस्‍वासा लायक नौकरा, तू थोड़ै मन्ज भी विस्वास लायक वणी रैऊआ; मुँ तिजो बड़ी चिजा रा अधिकारी बणाणा।’ मिन्जो सोगी ईच्ची करी खुशी मना।”

अऊँ नंगा थू, तुहै मिन्जो कपड़ै पहनायै; अऊँ बमार थू, अतै तुहै मेरी सुधि लेई, अऊँ जेला मन्ज थू, तुहै मिन्जो सितै मुळना आये।’ ”