Popular Bible Verses from Yɔn 14

ಶೇರ್

Məthɔfəl i tiyȧ nu, mathɔfəl ma mi i sɔŋ nu: i sɔŋ hɛ nu mɔ mə ȧdȧru rə sɔŋ nu. Ta ɛmerȧ ɛ nu ɛ te nu sɔmpa, thalɔm ɛ te nesa.

Yisɔsȧŋ ɔ pa ro ŋɔŋ, Minɛŋ yi aroŋ, yi tȧteŋ, yi aŋesəm: wuni o wuni ɔ gbəli hɛ der ka ɔKas thambe ɔ tȧŋ ka kȧta kȧmi.

Ta ɛmerȧ ɛ nu ɛ te nu sɔmpa: nə lanɛ Kuru, lanɛ mi sɔ.

Kɛrɛ ɔBɛfəth, ɔYina məsəm, ɔwe ɔKas ɔ tə som ka ȧŋes a mi, ɔ tə thəksa nu mȧtȧy bɛ, ɔwa ɔ tə kala ɛnanɛ ɛ nu ka mȧtȧy bɛ ama i po kanɛ nu.

Kɔnɔ ɔwe ba ɛyamari ɛ mi, ɔwa ɔ wop yi-e, kɔnɔ yi ɔwe mə bɔthər mi: ɔwa kɔnɔ ɔwe mə bɔthər mi ɔKas kȧmi ɔ tə bɔthər kɔ, ɔwa i ti bɔthər kɔ, ɔwa i ti tɔrinɛ gbafəth ro ŋɔŋ.

Ɔwa i ti nɛmthɛnɛ ɔKas, ɔwa ɔ tə sɔŋ nu uBɛfəth ulɔm, kȧmȧ ɔ yi ro nu thəbana. Hali ɔYina ka tȧteŋ; ɔwe ȧdȧru rə te gbəli sɔthɔ, pəkasifɛ rə nənk hɛ kɔ, thalɔm rə tɛ hɛ kɔ; kɛrɛ nia nə tȧrȧ kɔ, ȧtesoma-e ɔ tiyȧ ro nu, ɔwa ɔ tə yi rokor ka nu.

Ɔwa tȧy o tȧy ȧte mə nə yif ka ȧŋes a mi, i ti yɔ ti, kȧmȧ ɔKas ɔ sɔthɔ ayiki ka ɔWan. Bepi nə yif tȧy o tȧy ka ȧŋes a mi, i ti yɔ ti.

Bepi nə bɔthər mi, wop nu ɛyamari ɛ mi.

Ka ȧŋseth ŋa ɔKas kȧmi məyira məgbathi me yi ri; bepi naŋ pə yi hɛ yi-e, i ti poŋ naŋ kanɛ nu. Minɛŋ i kɔ tə kəbɛnɛnɛ nu dɛr.

Ɔwa bepi i kɔ tə kəbɛnɛnɛ nu dɛr-e, i ti kȧl der sɔ, i ti ba nu ro mi: kȧmȧ ro minɛŋ i yi, nia sɔ nə tə yi.

Thɔmɔsȧŋ ɔ pa ro ŋɔŋ, Pa, sə tɛ hɛ ro mȧ mə kɔ-e; to mə sə gbəli tȧrȧ aroŋ-e?