Popular Bible Verses from Yoana 1

ಶೇರ್

Konye ng'ulu kere lu abuutu kidiautu nesi, lu abuutu kiyuutu kokiror keng', abu nesi koinaki kesi apedor naka araun idwe ka Akuju

Kageunet kejii Akirot. Kejaasi Akirot nepepe ka Akuju. Kerait Akirot Akuju.

Ecae acaus kotoma akirionus. Konye mam akirionus kitelekaarit acaus.

Korauni Akirot etung'anan, kosodi ajaikin kiding' wok, ileleba asianut ka abeite. Anyutu siong' akibusesu keng', akibusesu naka Okoku lotelit alomun kamaka Papa.

Iboro kere, asubuno akitoro nama keng'. Emam ibore ipede ni apon kosubune emam nesi. Toma keng' nes ajii akijar, bobo arait akijar acaus naka itung'a.

Apaaran na atupakini, koanyuni Yoana Yesu ebuuti nama keng', kosodi nesi atemar, “Koanyutu Imerekek nika Akuju ni elemari aronus naka akwap.

Ajii Akirot toma akwap. Abu Akuju kosub akwap itorit nama keng', konye mam akwap abu kojenu nesi. Kobuni nesi otung'a keng' kelope, konye mam itung'a keng' kelope akidiaun nesi.

Acaus naka abeite na ecaikini ng'ini itwan abu kobuu akwap.

Etoruni ekisil namaka Musa. Konye asianut kiton abeite etorunete namaka Yesu Kristo.