Popular Bible Verses from LUKA 22

ಶೇರ್

kole, Baba, ngicham, iistoena kikombani: ago ma ko u magennyu, ago ingoyaak ko u mageng’ung’.

ago kiasa agobo inye, si mabek kayaneng’ung’: ak ye kaiwalage, igimit che otupche.

Ak kinam makatiat, ak kingo kagomwa kongoi, kobutul, ak kogochi ichek, ak kole, Ni bortanyu ne kigoitoi agobo okwek: oyae ko u ni eng’ kabwatet ne obwatena.

Ko u noto kikombet agine, kingo kagobata amitwogik che bo lagat, kole, Arorutiet ne leel kikombani eng’ korotikyuk, che kitumdoi agobo okwek.

Ak ye kimi inendet nyalilda ne ng’wan, kotes kosa mising’: ak kigergeitu kaotikyik ak korotik che sachin ng’ony.

Ago, ma u noto eng’ okwek: ago ingoigei ne o eng’ okwek ne ming’in; ak inendet ne o koigei ne otisiei.

Ak kimwa kole, Amwaun Petero, kotom kote kipsoiywet rani, iesioa konyil somok ile, mengena.