Popular Bible Verses from KĨAMBĨRĨRIA 13

ಶೇರ್

amu-rĩ, bũrũri ũcio wothe ũkuona nĩwe ngũhe ũtuĩke waku, na wa mbeũ yaku, tene na tene.

Ningĩ Aburamu na Loti maarĩkia kweheranĩra, Jehova akĩĩra Aburamu atĩrĩ Ta tiira maitho o nawe wĩ hau ũrĩ, ũbare mwena wa gathigathini, na wa gũthini, o na kũrĩa riũa rĩrathagĩra, na kũrĩa rĩthũagĩra

Na rĩrĩ, mbeũ yaku nĩngatũma ĩingĩhe o ta rũkũngũ rũa thĩ, na nĩgũgatuĩka atĩrĩ, atĩ kũngĩkorũo kwĩ mũndũ ũngĩhota gũtara rũkũngũ rũa thĩ-rĩ, o nayo mbeũ yaku nĩĩgagĩtarĩka.

Nake Aburamu akĩĩra Loti atĩrĩ, Ta nĩhatige kũgĩa njũgitano iitũ nawe, o na kana ya arĩithi akwa na aku, amu tũrĩ o amwe.

Nake Aburamu akĩambũra hema yake, agĩthiĩ gũtũũra hakuhĩ na mĩtĩ ĩrĩa ĩĩtagwo Mĩgandi ya Mamure, ĩrĩa ĩrĩ Hebironi, agĩcoka agĩakĩra Jehova kĩgongona ho.

Nake Loti agĩtiira maitho akĩbara, akĩona Kĩaragana gĩothe kĩa Jorodani, atĩ kĩĩ na maĩ maingĩ ituri ciothe; gĩkahaana o ta mũgũnda wa Jehova, o na ta bũrũri wa Misiri, mũndũ agĩthiĩ Zoari; na hĩndĩ ĩo Jehova ndonũhĩte Sodomu na Gomora.