Popular Bible Verses from YAYA 4

ಹಂಚಿಕೊಳ್ಳಿ

Ala ti aakumi inogoma pogom me, it aap at alut eeriyak mbakwi nogo iniki paga nen abet mba'nuk, at alut eeko logowak o.”

It aakumi ninogoba abet togon alut eekwi ti, at Aberiniki Ala ndogop menggerak yo'nirage menggerak nogo nen yorage kagak alut eeko logorak eyom peebi kwe, yogondak muk wagaarak o. At ninogoba nen it aakumi togop aret alut ee'nako logowak, mbake menggerak.

niyo an nen wogoraminggirak nunggwi iinok perak, abu aganabigin mondok lek o. Niyo an nen wogoraminggirak nogo eneeri inikime nen kila-kila lagangge logonet, mondok-mondok ineenik aganake logogin o.”

Yoge mbareegi, at Yetut nen, ”Ala nen onggo lek we wokkiriyak inom, ndi, aap nen, Niyo too'niru o, yokkege nogo eebe inom, kat keenu logonet, Niyo aakumi ineenik eeginake menggerak mendek wo'niru o, nggino yo'nenetak en, niyo ti mendek wokkenetak o.”

Yogo mbareegwa, Yetut nen, ”At nappani wagagerak mbake menggerak eeriyak inom, ndi, at eeriyak mbake menggerak nogo an nen worok togon eeriyak inom, ti an nambi aret o.

Yoge mbareegi, kwe nogo nen, ”Nogoba o. Niyo yenggenak ogu teberogon wonage, ndi, kat kagiiwak lek me, niyo aakumi ineenik eeginake menggerak mendek ti, ngga nen too'niriyak nduk yagan o?

Yoge mbareegi, at kwe nogo nen, ”At Mesias endage Keritut yogo monggoorak nogo woraagin an neenu aret o. At nogo wage logominggirik, yi wone ndi wone apit aret yo'nirage logogin o.” Yoge mbareegi, at Yetut nen, ”At nogo kat nimbirak wone mbangge an aret o,” yinuk, yoreegerak.

”Aap an yi eekak ndi eekak eeke nagagirak nogo abok paganogo yo'negerak me, kaabagip nduk wa'nip o. Ala nen leenogo mippereegerak nogo ti aret ilik?”