Popular Bible Verses from Genesisi 3

ಶೇರ್

A wasati na a wona a sinya lezaku yi sasekile akuva yi giwa, ni ku naveleka kucuwukekeni, ni lezaku a sinya ya naveleka ku tlharihisa, i lo khaya a mihanzu ya kona a yiga, yena i lo ya nyika ni nuna wakwe kambe, yenawu i loga.

A nyoka yi wa hi ni mano ku hunza zihari zontlhe za tiko, lezi Jehova Nungungulu a nga wa zi mahile. Yi ku ngalo ka wasati: Hakunene Nungungulu i wulile lezaku mu ngagi ni sinya yinwe ya simu ke?

Nzi ta veka livengo xikari ka wena ni wasati, ni xikari ka pswalo wa wena ni pswalo wa wasati; i ta ku gandla a hloko, na wenawu u ta mu luma a xirenze xakwe.

Ni ka wasati aku ngalo: Nzi ta ku engetela nguvu a kubayiseka ka wena laha u ta ngava ni rumbu; u ta beleka vanana hi kubayiseka; a kunavela ka wena ku taya ka nuna wa wena, na yena i ta ku fumela.

U taga zakuga hi nyuko wa nghohe ya wena, u kala u tlhelela misaveni; hakuva wena u humesilwe ka yona. Wena u tshuri, u ta tlhelela tshurini.

Ni ka Adamu i te ngalo: Kota lezi u nga ingisa a gezu ga sati wa wena, uga a sinya leyi nzi nga ku layile ku ngalo: U nga yigi, yi rukatelwe misava hi kota ya wena; u taga mihanzu ya kona hi kubayiseka wontihe masiku ya kuhanya ka wena

Na yena i te ngalo: U byelilwe hi mani ku ngalo a ku ambalangi nchumu ke? U gile sinya leyi nzi nga ku byelile lezaku u nga yigi ke?

I lo mu hlongola Adamu; i lo yimisa a makerubima hi le Mutsuwuka-gambo wa simu ga Edeni, ni supado yi karihako matlhelo wontihe, kasi ku rinzela a ndlela ya sinya ya wutomi.

Ni wanuna i lo chula vito ga sati wakwe ku hi Eva, hi lezi a nga mamani wa vontlhe va hanyako.