Popular Bible Verses from Yohana 6

ಶೇರ್

Yesu ya va vo lera, Inze nibwo ubukima bweliva mwoyo: uyu udza ku inze si a li lola inzala mba, kandi u suuvira inze si a li lola ubuluhu mihiga nemihiga.

Ni roho gu haana livamwoyo; inyama yomubiri si i konya kindu: amakuva ga mmu voleye ga veye roho, kandi livamwoyo.

Mu ta yinzira ku vugula vyokulia vyoneka, navutswa mu yinzire kuvugula vyokulia vi menya kuduka ku livamwoyo li ta hera mba, vyo Mwana wa Adamu a la mu ha: kigira Dada, Nyasaye, u mali kukupa kuye kyokulolera.

Yibwo nibwo ubulaliri bwa Dada wange, ku vosi u lola Mwana kandi a mu suuvira, a ve nelivamwoyo li ta hera; na inze nda mu simugukidza ku lidiku lyekiheri.

Yesu ya tivula na a va volera, Miyinzi gya Nyasaye ni yigyi, mwinye mu suuvire uyu wa ya tuma.

Vyosi vya Dada a mbedza vi ladza ku inze; naye udza ku inze si nda mu kunga mba.

Simoni Petro ya mu tivulira, Mwami, ku tsia ku bwaha? Ive u veye namakuva gelivamwoyo li ta hera mba.

Inze nibwo ubukima bwelivamwoyo bwa twula migulu: mundu na a lagira ku bukima yibu, a la va mwoyo mihiga nemihiga: yee kandi ubukima bwa ndi haanira livamwoyo lyavomukivala ni nyama yomubiri gwange.

Si ha veye nomundu u nyala kuudza ku inze vutswa, wa Dada wa ntuma a ta ng'usa: kandi inze nda mu simugukidza ku lidiku lyekiheri.

Kigira ubukima bwa Nyasaye ni yibwo bu twula migulu, kandi u hedzanga avomkivala liva mwoyo.

Inze nibwo ubukima bwelivamwoyo.

Yesu ya vugula milango; kandi lwa ya mala kusantidza, ya gavulira ava li vikaye; kandi tsisudzi ndiyo, kuduka kuli wa venya. Kandi lwa viguta, ya volera avegidzwi veve, Mu vungidze madonye aga tigaye, kindu ki ta gota mba.

Kigira yaga lwa va mala kugenda tsimaili tsivaka kinga tsine va lola Yesu na a genda ku inyanza, naye ya li himbi nobwato: ni va tia. Navutswa ya va volera, Ni inze; mu ta tia mba.