Popular Bible Verses from Yohanes 19

ಶೇರ್

Kanapemita-na Yesus, na'uli': ”Hudu-mi!” Oti toe, ntungka'-imi, pai' modupe'-mi inoha'-na.

Na'inca Yesus hudu-mi omea. Jadi', bona madupa' napa to te'uki' hi rala Buku Tomoroli', na'uli': ”Ngkamara-a.”

Kanahilo-na Yesus tina-na mokore hi ree hi ncori ana'guru-na to nape'ahi', na'uli'-miki tina-na: ”Ina', etu-imi mai ana'-nu.” Pai' na'uli' wo'o-miki ana'guru-na toei: ”Etu-imi tina-nu.” Ngkai ree, ana'guru toei mpewili' tina-na Yesus hi rala tomi-na.

Aga karata-ra hi Yesus, rahilo-rawo mpolia' mate-imi. Uma-pi oko rapui' witi'-na. Aga hadua tantara mpojalo lumpeha-na hante ponci'-na. Karajalo-na tohe'e, mo'ili-mi tumai raa' pai' ue.

Tohe'i jadi' bona madupa' napa to te'uki' owi hi rala Buku Tomoroli' to mpo'uli': ”Uma mpai' hamehaa' wuku-na to rapui'.” Ria wo'o lolita Buku Tomoroli' to mpo'uli': ”Hira' mpongoa'-i mpai' to rajalo owi.”

Yesus mpaha'a parika'-na hilou hi mali ngata, pai'-i rakeni hilou hi po'ohaa' to rahanga' Bulu' Banga'woo'. (Hi rala basa Yahudi hanga'-na Golgota.)

Tantara toera mpobabehi hameha' songko ngkai walaa to morui, to hewa songko magau', pai' rasongkoi-ki Yesus. Oti toe, raheai-i hante baju to mperelei hewa baju magau', rapotingkuai'-i pai' ra'uli'-ki: ”Wori' tabe, Magau' to Yahudi!” Pai'-i rahopo'.