Popular Bible Verses from YOHANES 10

ಶೇರ್

Panakau dumah baya handak manakau, handak mampatei tuntang handak marusak. Tapi Aku dumah mangat oloh mandino pambelom – pambelom je hakutoh karee.

Aku toh Sakatik je bahalap. Sakatik je bahalap manenga hambaruae akan kare tabirie.

Kare tabiring-Ku mahining auh-Ku. Aku kasene ewen, tuntang ewen manuntut Aku.

Aku manenga akan ewen pambelom je bujur tuntang katatahie, tuntang sampai katatahie ewen kareh dia binasa. Ije biti mahin jaton oloh tau marampas ewen bara lengeng-Ku.

Aku toh bauntonggang. Eweh je tame mahalau Aku, akan salamat; ie tame-balua tuntang mandino panginan.

Aku toh Sakatik ije bahalap. Sama kilau Bapa mangasene Aku tuntang Aku mangasene Bapa, kalote kea Aku mangasene kare tabiring-Ku tuntang ewen kea mangasene Aku. Aku manyarah hambaruang-Ku akan ewen.

Bapa-Ku, je jari manenga ewen akang-Ku, malabien bara kare taloh samandiai. Tuntang ije biti mahin jaton oloh tau marampas ewen bara lengen Bapa. Aku tuntang Bapa te ije.”

Aku toh Sakatik ije bahalap. Sama kilau Bapa mangasene Aku tuntang Aku mangasene Bapa, kalote kea Aku mangasene kare tabiring-Ku tuntang ewen kea mangasene Aku. Aku manyarah hambaruang-Ku akan ewen.

Ije biti mahin jaton oloh je tau manduae bara Aku. Aku manyarahe awi kahandakku kabuat. Aku bara kuasa uka manyarahe tuntang bara kuasa manduae haluli. Jete gawi je inarima-Ku bara Bapa.”

Maka Yesus hamauh sinde tinai, “Puna toto auh-Ku toh: Aku toh bauntonggang akan tabiri.

Oloh je bagawi manduan upah ie dia sakatik tuntang dia kea ie tempon kare tabiri te, ie kareh hadari malihi kare tabiri te amon ie mite meto basiak dumah. Maka kare tabiri te kareh inangkarap tuntang kasaburan awi meto te.

“Toto haliai auh toh: Oloh je tame akan huang karambang tabiri mandai pagar tuntang dia mahalau bauntonggang, tapi mandai mahalau jalan beken, oloh te panakau tuntang parampok.