Popular Bible Verses from Matius 24

ಹಂಚಿಕೊಳ್ಳಿ

Sugane yé ben sukibit mwa wai anato yé yo jimnotku yu saga nyim ne o nde. Wo ye gato onyar kem pe mo Ji sor kom mo pe gato or mó yo, bere an kem ndo to kapyo mato kapyo.

Bere ye ki sukdu subot os ndo gato Yefun Allah fro wa men yetu subere Yefun Allah nai men gum sok mo An bi rus-i, ete An tepsu men bi Yekwesu mone. Sukdu gato ndo ne, bere yé ki frek subot yewis mwa mo bur ré or sino, eteyo bere bur ré kru it anane.”

Bere nin jam sukdu subot yé ben sukndi karowa nin, bere nin jam sukdu subot yé gato gu yu mo peyo-peyo, sarewo nin nyu nde. Bur ré yo kru nde tó, bere yé ben sukndi ete gu yu nyim wé et.

Bere negara deyo futma gu negara deyo o. Bere yewis deyo futma gu yewis deyo o mone tó. Bere sui sye juwai bur ré ram mo peyo-peyo. Bere sukonde sye bor mo peyo-peyo. Nin me suk bok gane bor it yo, karowa bur ré kru it anane, tepsu nggon gato nukwe i su pa, bere nggon ne kem su bi pa.

Gu nim ne si bur ré bere kru re, wo Ji bi sukdu ne kem sor to kapyo mato kapyo.”

Bere yé mwa ma ki do, ’Ji anato Kristus gato Yefun Allah syogat ma mo bur ré,’ ete án kidar yé bok ne sino jammo án re.

Su kam gane ma, yé mwa mo bur ré iwedewe bere bariket nin yé gato onyar kem mo Ji. Sane bere yé but nin e, yé ben sukye nai nin, ete yé gu nin kwop. Sugane, yé mwa gato onyar kem mo Ji, bere misyar Ji or re. Bere yé meret os wa yu, bere yé bariket yu. Bere ye gato kidar do, án tepsu yenabi gato gwat suktaru kadit Yefun Allah ne bor ete kidar yé mwa.

Yefun Yesus ki do, ”Nin mewa nin nggwa sawe yé yo ma kidar nin.

Sane dom, nin fro nin nggwa petok sor, we bere Yetu bi Pa ma su jam gato nin jam ri nde.”

Sane nin frawa nin nggwa, we nin jam nde kam gato bere nin bi Yekwesu ma su ne.

”Kam gato Yetu bi Pa to Ji ré satu ma su ne, yetu ge dik yo jam kam ne nde. Malaikat mo gu dom jam nde re. Ye yo jam bi kam-i nde. Ye yo jam bi jam-i dom nde. Ji dakai, gato Yefun Allah bi Gan jam nde dom re, wo Yefun Allah wadigan sor ete jam.

Ye gato ben kidar do, an dakai anato Kristus gato Yefun Allah syogat ma mo bur ré wa nai men yetu kadit sukye ete jowa men ne bere mó. Sane dom yenabi gato ma wa kidar nin bere mó. Yé bok ne bere kadum bi suktinggi, ete ben suk gato ben nje yeket ndo nde. Yé bok ne ben bi suk-i, bergan án ben kidar nje gato Yefun fro suga nyim wa Yefun nai sok mo Yefun bi rus-i, sarewo án yo ku os mone nde.

Kam gato Ji ma su ne tepsu kam gato Nowak kem mo bur ré. Su kam gato syur syé nde tó, yé git sugit e, yé da syur e, yé kra yu e ne. Yé ben suk gato sagana yé ben ne sane sor kom mo kam gato Nowak sok mo bi kwem mit ne. Wo yé yo bi sukjimnut kom mo suk gato bere bor mone nde, sane sor syur syé ma gwat án or wé re. Sane dom, Ji satu ma mo bur ré yo, bere yé yo bi sukjimnut kom mo suk gato bere bor mone dom nde.