Popular Bible Verses from MATÌÙT 18

ಶೇರ್

“Nen, wene aike yì yogohisak. Hit hinebe pìre a? Hìnagan a, an netage ba atogosugun halok he, an nebe hinekele'ma atoma logogin atì nen he, hit hinebe pìreinagùn nen kweangma yoma logolìk, hinetaùken omakeat arìk, hit en, Aike wo'nisan, ìlùk, we, nena mene Ala kìno yogosugun halok he, kìno ugun mene atì, an nopase pogot oba mene nen hinane asuk holìk he, wokhisegeinat o,” ìlùk yogoisasike.

“Nen, wene aike yì yogohisak. Hit hinebe pìre a? Hìnagan a, an netage ba atogosugun halok he, an nebe hinekele'ma atoma logogin atì nen he, hit hinebe pìreinagùn nen kweangma yoma logolìk, hinetaùken omakeat arìk, hit en, Aike wo'nisan, ìlùk, we, nena mene Ala kìno yogosugun halok he, kìno ugun mene atì, an nopase pogot oba mene nen hinane asuk holìk he, wokhisegeinat o,” ìlùk yogoisasike.

Atì'nogo yogosukwama re, at en yekerek magakelak mene aike waesikomo oba wagaikomo re, it amanogo inekele'ma menhìkì logolìk he, mel yogoisasike: “Hit apùnì yì re, hinepe hebelarìk hinoabùt yekerùgì yì inoabùt hake haga'lasugun lek halok he, Ala nen awe a'ma hisikere'ma atoma kugun motok lek o, ìlùk eberogoat yogohisìgì.

Sa nen, An mea mene, ìlùk oabùt yekerek yì oabùt hake etaùken okawerek en sebethakìlìk seberogo logogin halok he, at atì Ala awe a'ma hisikere'ma atoma kain etagewerek logogin o.

Nen, sa nen yekerek yì hake an hesik wanhe halok he, an nebeat wo'nabigin o,” ìlùk yogoisasike.

At Yesùt en atì'nogo yogoisasikesik he, aike mel yogoisasike: “Wene aike yì yogohisak. Hit en he, kweangma yoma mene hesik, Atì'nogo hagasusak lek, ìlùk wene palhep halok he, Ala pogot oba mene nen wene palhe hagat ugun o. Nen, hit en he, kweangma yoma mene hesik, Atì'nogo hagasusak he, hano, ìlùk egep halok he, atì Ala pogot oba mene nen hano ike hagat ugun o.”

Atì hagat, hit hinerùgì hinagaiya'lak en weagathinabì'lùgì mene atì hinetaùken nenat sagalogo legetsìgì'lek halok he, an nopase pogot oba mene nen atì'nogo hagathinabiginat o,” ìlùk yogoisasike.

Atì'nogo yogoisasikesik he, aike mel yogoisasike: “Sa nen yekerùgì magatek yì hake aike etaùken an noba hipirìk were'ma kopologo herakhanuagalùk a'la kagaligin oba an kopologo herakhanhe halok, at a'la kagalhewerek atì helep hùko mene alokopma hele kelogo re, i laut yekele'ma tùlem atoma temuk hogo pelaksamo i lelepma re, hano o.

Hina'la nìkì'nogo akegep. Ap aike ako topa wam ebe 100 nen were'ma, 99 enek ùkùl oba lagalìk hano werek kolek, omakeat aike kwe nong arìk he, nalasi laga halok hobuk herasi lasak lek nogo? Herasi lasagat o.