Popular Bible Verses from KAJAJIYANG 4

ಶೇರ್

Rékko mupogau'i makessingngé, pasti cabbéruko; iyakiya rékko mupogau'i majaé, mattajengngi dosaé untu' muttama ri laleng atimmu. Maéloi dosaé kuwasaiwi alému, iyakiya harusu'ko caui.”

Sét mappunnai ana' worowané iya nawéréngngé aseng Enos. Ri wettuénnaro nappammula tauwé teppui asenna PUWANGNGE rékko massompai.

Nakkutana PUWANGNGE ri Kain, “Kégai Habél, anrimmu?” Nappébali Kain, “Dé' uwissengngi. Harusu'ka'ga monrowangngi anrikku?”

Nanakkeda PUWANGNGE, “Magi mupogau'i gau' iya mappakatau-tauéro? Mangobbii darana anrimmu polé ri tanaé lao ri Iyya, pada-pada sadda iya goraé méllau pakkabale.

Iyakiya makkedai PUWANGNGE, “Dé'. Rékko riyunoko, selaku pamale'na, pitu tau muttama'ni iya mpunoékkoro riyuno towi matu.” Nainappa PUWANGNGE taro tanrang ri Kain kuwammengngi nigi-nigi iya siruntu'é aléna dé' naunoi.