Popular Bible Verses from JOHANISI 12

ಹಂಚಿಕೊಳ್ಳಿ

Ane a funa u ntshumela u fanela u vha mufunziwa wanga, uri sa mushumeli wanga, a swike-vho hoṱhe hune Nṋe nda vha hone. Ane a ntshumela u ḓo huliswa nga Khotsi anga.

Ane a tata u ṅaledza vhutshilo hawe u a ḓilozwa; ane a vhu ṅala e fhano shangoni u ḓo vha o ḓivhulungela vhutshilo vhu sa gumi.

Zwino ipfani-ha: Arali thoro ya goroi i sa tou thoma u wela mavuni ya fa i ḓo ḓi dzula i nthihi; ya fa ndi hone i tshi ita dziṅwe thoro nnzhi.

Nṋe ndo ḓa shangoni ndi tshedza, uri vhoṱhe vhane vha mpfulufhela vha si tsha dzula swiswini.

Ane a pfa maipfi anga a si a tevhedze a si uri ndi Nṋe ane nda mu haṱula. A tho ngo ḓela u haṱula shango, tshe nda ḓela tshone ndi u tshidza shango.

Ndi hone Maria a tshi dzhia hafulitha yoṱhe ya mapfura a u nukhelela a mutengo muhulu o itwaho nga munadi u songo vangwaho, a a shela kha milenzhe ya Yesu a phumula nga mavhudzi awe, munukho wa u ḓifhelela wa tou ḓadza nnḓu yoṱhe.

Vha dzhia maṱari a mutshevho vha yo mu ṱanganedza vha tshi khou huvha mihuvho vha tshi ri, “Hosana! Nga hu rendwe a ḓaho nga dzina ḽa Muṋe washu! Nga hu rendwe Khosi ya Israele.”

Ene a tshi vha fhindula a ri, “Zwino ndi hone tshifhinga tsho swika tsha uri hu vhonale vhugala ha Mubebwa-nga-muthu.