Popular Bible Verses from ମାତିଉ 18

ಶೇರ್

“ବାତେଙ୍କ୍ ଇତ୍‍କେ ବେଗେ ଇର୍‍ୱୁଡ଼୍ ବା ନାର୍‍ଗେ ନାରୁଡ଼୍ ନା ପେଦେର୍‍ତେ ଅଣ୍ଡୟ୍‌‍ତାଗ୍ ଆଦ୍‍ତଡ଼୍, ନାନ୍ ଆଗେ ମାନ୍‍ତାନ୍ ।”

“ମାତର୍ ଆସ୍‍ର ଆୟ୍‍ୟ, ପୃତିବିତାଗାଙ୍କ୍ ବେସୁଙ୍କ୍‍ ମିୟାଗାଙ୍କ୍ ଇର୍‍ୱୁଡ଼୍ ଯେ ବାତେଆଇ ବିଷୟ୍‍ତେ ୱେରଡ଼୍ ମାନ୍‍ ଆସ୍ ଆଦିନ୍ ସେଙ୍ଗେ ପ୍ରାର୍ତନା ମାଡ଼ିତିଡ଼୍, ନା ସ୍ୱର୍ଗତେ ବାବାଲ୍ ନିୟାଦ୍ ଆଦେ ଇଚ୍ଛା ସାରେ ସତ୍ ମାଡ଼ିତନ୍ ।”

ଜିସୁ ୱେରଡ଼୍ ପିଲେତିଙ୍କ୍ ଅଡ଼୍‌ ମୁନେ ନିଲ୍‍ପି କେତ୍‍ତନ୍, ନାନ୍ ମିକିଂଙ୍କ୍ ନିଜାମ୍‍ ହେର୍କେତେ କେତୁତାନ୍, “ମିୱାଦ୍ ମନ୍ ପିରିବର୍ତ୍ତିତ ଆସ୍ ପିଲେ ଲେକାମ୍ ଆୟ୍‍ୟ କଟମାତ୍‍କେ ସ୍ୱର୍ଗ ରାଜ୍ୟତାଗ୍ ବେସୁଙ୍କ୍‌ବା ଆଦେ ପାର୍‍ୱିଡ଼୍ ।

ବେନ ନିଜେତିଙ୍କ୍ ନମ୍ର ମାଡ଼ି ଇ ପିଲେ ଲେକାମ୍ ଆଦ୍‍ତନ୍, ଅଣ୍ଡ୍‌ ସ୍ୱର୍ଗ ରାଜ୍ୟତାଗ୍ ସାରେତିଙ୍କ୍ ବେଡ଼୍‍ୟନ୍

ବେନଆଇ ନା ପେଦେର୍‍ତେ ଇଦ୍‍ଲେକାମ୍ ୱେରଡ଼୍ ସୁଦୁ ପିଲେତିଙ୍କ୍ ଗ୍ରହନ୍ ମାଡ଼ିତନ୍, ଅଣ୍ଡ୍‌ ନାକିଂଙ୍କ୍ ମିକା ଗ୍ରହନ୍ ମାଡ଼ିତନ୍ ।”

“ମିକ୍ ଇଦ୍‍ଗଟ୍ କେସ୍ ନେହେତୁତାନ୍, ମିଡ଼୍ ଇ ପୃତିବିତାଗ୍ ବାତ୍ ନିଶେଦ ମାଡ଼୍‍ତିଡ଼୍ ସ୍ୱର୍ଗତାଗ୍ ମିକା ଆଦ୍ ନିଜାମ୍‍ ଆଦ୍‍ତେ ନୁ ବେନ୍ ସେଙ୍ଗେ ନିମ୍‍ ପୃତିବିତାଗ୍ ଗଟ୍ ଇଦ୍‍ତି, ସ୍ୱର୍ଗତାଗ୍ ମିକା ଆଦ୍ ଆନୁମଦିତ ଆଦ୍‍ତେ ।”

ଜିସୁ କେତାନାଦ୍ ତେର୍‍ସ୍ପାନ୍ କେତ୍‍ତାନ୍, “ମିଇ ବିରୁଦ୍‍ତେ ଦଷ୍ ମାଡ଼ିମାନ୍ଦାନ୍ ତାମୁଣ୍ଡ୍‌ତିଙ୍କ୍‌ ଜିୱୁତେ କ୍ଷମା ହିମୁଟ୍, ଆଲେକେ ନା ସ୍ୱର୍ଗତେ ବାବାଲ୍ ମିକା ମିଇ ସେଙ୍ଗେ ଇଦ୍‍ଲେକାମ୍ ବ୍ୟବହାର୍ ମାଡ଼ିତନ୍ ।”

“ନାର୍‍ଗେ ବିଶ୍ୱାସ୍ ମାଡ଼ିମାନ୍ଦାନ୍ ଇ ପିଲାନାଗାଙ୍କ୍ ୱେରନ୍ ବିଶ୍ୱାସ୍‍ତେ ବେନ ବା ବେଡ଼ିୟ୍ ମାଡ଼ିତନ୍, ଅନ୍‌ ଗୁଡ଼ୁଙ୍ଗାତାଗ୍ ୱେରଡ଼୍ ଜାତ୍‍ତେକାଲ୍ ତଅସ୍ ଅଂକିଙ୍କ୍‌ ସମୁଦ୍ର ତାଗ୍ ହେସାନାଦ୍ ସାୟେ ।

“ନିମ୍‍ ବାତେଏ ଏର୍କା ମାଡ଼ୁତିନ୍, ଯଦି ୱେରନ୍ ନାରୁନ୍ ଶହେ ମେଣ୍ଢାନାଗାଙ୍କ୍ ନୁ ୱେରଡ଼୍ ମେଣ୍ଢା ମାଇତେ, ଆଲେକେ ଅଣ୍ଡ୍‌ ବାତେଏ ମାଡ଼ିତନ୍ ? ନବେ ନଟାନ୍ ମେଣ୍ଢାଙ୍କ୍ ମେଟେତାଗ୍ ୱିଡ଼୍‍ସି ଆଦ୍ ମାଇମାନ୍ଦାନ୍ ମେଣ୍ଢାତିଙ୍କ୍ ମେହେକାଂଙ୍କ୍ ଆଦ୍‍ତନ୍ ।