Popular Bible Verses from लूका 3

ಶೇರ್

याग सप्पा लॉकुर बपतिस्मा ताकोंडुर अदिक यीशु भी बपतिस्मा ताकोमकु प्रार्थना माळोन, रा स्वर्ग खुल्सेत, अदिक पवित्र आत्मा कबूतर इन घाई आऊन मय मा ईळुत, अदिक स्वर्ग टु ईद आकाशवाणी आत कि: “नी नान प्रिय पार हुय, ना नीन देल हापाळ खुश आईन.”

रा बपतिस्मा कोळावाळा यूहन्ना आ सप्पा मुंदुर से अंदुन, “ना रा नीमी नीर देल बपतिस्मा कोळतीन, लेकीन आव बरावाळा आन जो नान से यक्कुल ताकतवर आन; ना रा ई लायक भी हैलेच कि आऊन केरू उन बंध खोल्स सकाईन. आव नीमी पवित्र आत्मा अदिक बेक्‍की देल बपतिस्मा कोट्टान.

इदुरसाटी हिंग मातगोळ माळी जो नीम पश्चाताप इक तोर्सतद, अदिक तान तान मन दा ईद विचार माळबाळी कि नाम आप्प अब्राहम हुन; यतिकी ना नीम से अनतीन कि परमेश्वर ई कल्लगोळ देल भी अब्राहम उन साटी औलाद पैदा माळ सकतान.

ईग कोळ्ली मार्रगोळ्द जळी मा ईटकु आद, इदुरसाटी जो-जो मार्र वळ्लीद काय तराल, अदरी कळकु अदिक बेक्‍की दा हाक्‍कु आदीत.”

ह्यांग यशायाह भविष्यवक्ता अन्द माताळ्द वचनगोळ किताब दा लिख्सकु आव: “आळी दा ऊंद कारावाळा अन्द आवाज केळ बरेत्याद कि, ‘प्रभु उन हादी तयार माळी, अदिक आऊन यात्रा अन्द साटी सळकगोळी सरका माळी. हर ऊंद घाटी तुमकु आदीत, अदिक हर ऊंद पहाळी अदिक टीला ल्यालमा माळकु आदीत; अदिक जो वाकळा आद अद सीधा, अदिक जो म्याकुच आद अद ल्यालमा अदिक जो ल्यालमा आद अद म्याकुच अदिक अद चौरस हादी बनसीत. अदिक हर ऊंद मंळसा परमेश्वर उन उद्धार इक नोळीत.’”