Popular Bible Verses from MARIKO 13

ಶೇರ್

Nainwe namogechwe nabanto bonsi ase engencho y’erieta riane, korende oyoraremererie goika omoerio, oyio natooreke.

Rigereria, renda, saba, ekiagera timomanyeti engaki eria indi eranyare koba.

Ekero bakobaira ase ekina, na kobabeka ase amaboko ’abanto, timochaka gwechanda korengereria ayamorigetie gokwana; korende rinde rionsi moraegwe ase ensa eria, morikwane, ekiagera tari inwe morakwane, korende n’Omoika Omochenu.

Igoro na ense nabiete, korende amang’ana aane takonyara goeta nonya ng’ake.

“Korende amang’ana e rituko riria na ensa eria onde tari omanyete, nonya nabamalaika bare igoro, nonya n’Omwana, otatiga Tata.

Naende komoraigwe esegi, na ebirage bi’esegi, timoichanigwa, ekiagera bori, aya onsi nabe, ko moerio toracha.

Renda boigo, ekiagera timomanyeti ekero omonene bw’enyomba agochi‐gocha, gose mogoroba, gose mbotuko gati, gose etuoni gekobuga, gose mambia, tacha ababosokane, abanyore mwararire. Na erio nabatebirie inwe, nabatebirie bonsi: Renda!”

Naki egesaku nakeimoke korwana negesaku kende, na oboruoti naborwane noboruoti bonde. Emetengecho y’ense nebe chinsemo ne chinsemo, na enchara. Noyio noro omochakano bw’obororo.

Naende negwenerete enchili erandigwe ritang’ani ase ebisaku bionsi.

ekiagera abange nabache ase erieta riane, babore: Inche ninche ere; naraae abange na kobasiria.

“Mwerende inwe abanyene, ekiagera nababaire ase amatongo, na ase chisinagogi, namoakwe. Naende namoirwe gotenena ase amasio ’abagavuna na ase abaruoti ase engencho yane, koba kirori asebare.

ekiagera amakristo ’oborimo, na ababani b’oborimo nabaorokie ebikone na amakumia, banyare gosiria nonya nabachore.

“Korende amatuko aria, nyuma y’emechando eria, erioba naribekwe omosunte, na omotienyi tokobara, ne ching’enang’eni nachigwe korwa igoro, ne chinguru chire igoro nachitengechigwe.