Popular Bible Verses from OMOCHANKO 22

ಶೇರ್

Ibrahimu akaroka aase aria Yahwe‐Yire; buna abanto bagokwana goika rero iga, “Ase egetunwa ki’Omonene nao ekonyorekana.”

Nyasae akamotebia, “Moire Isaka, omwana oyo oo omomoima, oyobwanchete, ogende nere goika ense ya Moria. Agwo omorue abe ekeng’wanso ki’ogosambwa ase egetunwa ekemo ki’ebio ndakworokie.”

Omomalaika oria akamotebia, “Toramborera omwana okoboko kwao, gose tomokorera ing’ana rinde rionsi. Bono namanyire ng’a nomoirogete Nyasae, naende narorire ng’a tondineti omwana oo omomoima.”

Ibrahimu akamoiraneria, “Omwana one, Nyasae nenyorere emanwa y’eng’ondi ase ekeng’wanso eke.” Erio bakagenderera amo bonsi babere.

Ase ogosesenia ningosesenie, na ase okomenta nimente ororeria rwao, robe oronge buna ching’enang’eni chia igoro na buna omokenye ore engegu y’enyancha, na ororeria rwao inarobue emechie y’ababisa babo, na ase ororeria rwao ebisaku bionsi bi’ense inabisesenigwe, ekiagera kwanyigwereire.”

Ekaba nyuma y’amang’ana ayio, Nyasae akabekera Ibrahimu ogoteemwa. Akamorangeria, “Ibrahimu!” Na Ibrahimu akamoitabera. “Nao inde aa.”

Korende omomalaika bw’Omonene akamorangeria korwa igoro, akabora, “Ibrahimu, Ibrahimu!” Ere akamoitabera, “Nao inde aa.”

Omomalaika bw’Omonene akarangeria Ibrahimu korwa igoro eria kabere, akamotebia, “Omonene otebire: Netianirie inche omonyene, ekiagera gwakorire ring’ana eri, gose tondineti omwana oo omomoima.

Kobaikire aase aria atebetigwe na Nyasae, Ibrahimu akaagacha egesasimero agwo, akaara chinko igoro yaye, agasiba Isaka omwana oye, akamwareria igoro ye chinko chiria.